Alls hættu 752 nemendur námi í framhaldsskólum áður en til lokaprófa kom á haustönn 2017. Þar af voru 403 eldri en 18 ára. Þetta kemur fram í skýrslu Menntamálastofnunnar um aðgerðir gegn brotthvarfi nemenda úr framhaldsskólum.
Flestir nemendur, eða 213, hættu eða var vísað úr námi vegna brots á mætingarreglum og þar af voru 80 nemendur á fræðsluskyldualdri.
Alls sagðist 141 nemandi, eða 19%, hafa hætt vegna andlegra veikinda. Ef skoðaður er aldur þeirra má sjá að alls hættu 83 nemendur yngri en 18 ára vegna þessa á haustönn 2017.
Þá hættu 14 nemendur í námi af fjárhagsástæðum og 99 hættu vegna áhugaleysis.
Skýrsluna í heild sinni má sjá hér.