Vegir á Suður- og Suðvesturlandi eru að mestu greiðfærir en hálkublettir eru þó á köflum á Suðurnesjum og Suðurstrandavegi.
Á Vesturlandi eru vegir að mestu greiðfærir í Borgarfirði en hálka eða hálkublettir á Snæfellsnesi og í Dölum. Ófært er á Útnesvegi en unnið að hreinsun.
Það er hálka, hálkublettir eða snjóþekja á vegum á Vestfjörðum.
„Vegir eru nánast auðir í Húnavatnssýslu en hálka er á Þverárfjalli og hálka eða hálkublettir víða í Skagafirði. Á Norðausturlandi er hálka eða snjóþekja á vegum en þungfært á Hólasandi.
Hálka eða snjóþekja er á vegum á Austurlandi og éljagangur eða snjókoma á Fjörðunum. Það er hálka í Hvalnesskriðum og hálkublettir á köflum með suðausturströndinni,“ segir í tilkynningu frá Vegagerðinni.