Fjör að færast í skólahald á Flateyri

Kennsla hefst við Lýðháskólinn á Flateyri næsta haust og síðar í dag verður farið að taka á móti umsóknum um nám á vefsvæði skólans lydflat.is. Stefnt er á kennslu á tveimur námsbrautum sem hvor um sig tekur við að hámarki 20 nemendum.

Helena Jónsdóttir, framkvæmdastjóri Lýðháskólans á Flateyri og skólastjóri hans, segir að verkefnið hafi gengið vonum framar og ekki síst fyrir stuðning frá Ísafjarðarbæ og fleiri aðilum. Ísafjarðarbær veitir skólanum m.a. kennsluhúsnæðið endurgjaldslaust og niðurgreiðir þjónustu við skólann og nemendur hans. Einnig hefur sveitarfélagið ákveðið að veita skólanum beinan peningastyrk.

Sveitarfélögin á Vestfjörðum og landinu öllu hafa einnig verið mjög hjálpleg, Uppbyggingasjóður Vestfjarða, Vestfjarðarstofa, ráðherrar, stofnanir eins og Vinnumálastofnun og stéttarfélög og fleiri aðilar, segir Helena. 

Lýðháskólinn á Flateyri tekur til starfa í haust.
Lýðháskólinn á Flateyri tekur til starfa í haust.

Eins og áður sagði eru námsbrautirnar tvær og til að byrja með verður kennslan að mestu á íslensku hvað svo sem síðar verður enda hafa útlendingar og innflytjendur verið meðal þeirra sem hafa sýnt verkefninu áhuga. 

„Þetta þýðir að það er nauðsynlegt að vera með grunnþekkingu í íslensku til þess að sækja um nám við skólann í haust. Jafnframt þurfa umsækjendur að hafa náð átján ára aldri en ekkert aldurshámark er inn í skólann auk þess sem ekki eru gerðar neinar kröfur um fyrri menntun eða störf,“ segir Helena. Við leitum eftir nemendum sem eru áhugasamir, viljugir og tilbúnir til að taka þátt, deila ábyrgð og prófa eitthvað nýtt.

Frá Flateyri.
Frá Flateyri.

Með námsbrautinni Fjöllin, hafið og þú er lögð áhersla á að nýta þær auðlindir sem til eru í náttúru, menningu og samfélagi á Flateyri og í nærsveitum og með námskeiðum er lögð áhersla á færni, þekkingu og verkefni sem miða að því að nemendur verði færari í að ferðast um í náttúrunni, njóta hennar og nýta sér auðlindir hennar á öruggan og umhverfisvænan máta.

Að loknu námi munu nemendur hafa öðlast færni í að takast á við áskoranir og verkefni við ólíkar aðstæður, einir síns liðs og í hópum – færni sem nýtast mun í hvers kyns komandi verkefnum lífsins.

Eitt af því sem nemendur læra er að fara í ...
Eitt af því sem nemendur læra er að fara í smalamennsku og taka þátt í búskap.

Með námsbrautinni Hugmyndir, heimurinn og þú er lögð áhersla á hugmyndavinnu og sköpun og útfærslu í hvers kyns formum, auk tjáningar og miðlunar. Með námskeiðum er lögð áhersla á ólík skapandi verkefni sem miða að því að nemendur öðlist færni í heimildaöflun, markvissri hugmyndavinnu og sköpun í ólíkum formum auk miðlunar til samfélagsins.

Að loknu námi mun einstaklingurinn hafa þroskast sem skapandi einstaklingur og safnað að sér færni, verkfærum og tækni sem nýtast mun í þarfri verkfærakistu fyrir komandi verkefni lífsins, segir í kynningarefni frá skólanum.

Helena segir að gert sé ráð fyrir því að nemendur taki stærstan hluta námsins á annarri hvorri brautinni en hægt sé að taka einstaka námskeið af hinni brautinni óski nemendur eftir því. 

„Ein helsta áskorunin fyrir nemendur í lýðháskóla er að takast á við ólík verkefni og áskoranir sem þér hefur ekki endilega dottið í hug að sinna á eigin vegum, eitthvað sem þú hefur ekki reynt áður en þegar upp er staðið eru þau kannski miklu meira spennandi en þig hefði grunað,“ segir hún.

Til að mynda er hluti af náminu á umhverfisbrautinni að fara í smalamennsku og taka þátt í búskap og að fara á sjó. Eins munu nemendur fá kennslu  í fjallamennsku og útvist og ef fólk hefur ekki prófað slíkt áður er þetta kjörið tækifæri til þess að láta slag standa, bætir Helena við.

Nýleg rannsókn sem unnin var fyrir lýðháskólasamtökin í Danmörku leiddi í ljós að fyrrverandi brottfallsnemendur sem fara í lýðháskóla eru mun líklegri en aðrir brottfallsnemendur til þess að halda áfram námi, bæði framhaldsskólanámi sem og háskólanámi, segir Helena. 

Fjallamennsku er auðvelt að stunda á Flateyri og nágrenni hvort ...
Fjallamennsku er auðvelt að stunda á Flateyri og nágrenni hvort heldur sem er á skíðum eður ei.

Öll námskeið við Lýðháskólann á Flateyri eru kennd í 2ja vikna lotum og skólagjöldin eru 200 þúsund krónur fyrir hvora önn. Innifalið í skólagjöldum er morgun- og hádegismatur alla virka skóladaga, námsefni og ferðir og verkefni sem tengjast vinnu og verkefnum við skólann. Ekki er um hefðbundin próf og kennsluáætlanir að ræða og segir Helena það geti hentað mörgum vel að geta reynt ólíka hluti án herslu á hefðbundið námsmat eða fræðilegar kennisetningar. 

Aðeins hluti af námi við Lýðháskólann fer fram innandyra, í hefðbundinni kennslustofu. „Við verðum á mismunandi stöðum og oft úti, í öllum veðrum og stundum við líkamlega krefjandi aðstæður. 

Við slíkar aðstæður er nauðsynlegt að vera hreyfanlegur og til í ýmislegt. Það er mikilvægt að nemendur séu opnir fyrir nýjum upplifunum og því að reyna á sig við aðstæður sem þeir hefur ekki verið í áður. Að þora að stökkva – það er viðhorfið sem gildir,“ segir í tilkynningu frá stjórnendum skólans.

Gert er ráð fyrir að nemendur við Lýðháskólann á Flateyri muni búa á nokkurs konar heimavist, þar sem þeir deila saman herbergi í smáhýsum. Grunnhugmyndin er að fólk búi saman í herbergjum en ef fólki hugnast það ekki þá verðum við fólki innan handar við að leigja sér húsnæði á Flateyri en nokkurt framboð er yfir vetrartímann að ólíku leiguhúsnæði á Flateyri. Nemendur og starfsmenn búa því saman og munu einnig deila ábyrgð á þrifum og eldamennsku. Í raun verður þetta lítið samfélag inni í öðru samfélagi, Flateyri, segir Helena í samtali við mbl.is. 

Að sögn Helenu er skólinn í eigu félagasamtaka sem voru stofnuð í kringum skólann. Hann er rekinn af félaginu en stjórn þess tekur ákvarðanir varðandi reksturinn í samvinnu við félagsmenn. 

Varðandi starfsemi skólans þá er lögð mikil áhersla á samvinnu allra sem koma að skólanum og er horft til þess við val á nemendum inn í skólann. Að þeir séu reiðubúnir til náinnar sambúðar og samvinnu við aðra nemendur, kennara og íbúa Flateyrar.

Helena segir að verkefnið leggist vel í hana og hún verður eins og áður sagði skólastjóri og búsett á Flateyri.

Stefnuskrá skólans hefur verið sett fram en siðareglur er eitthvað sem við munum fyrirfram ekki meitla í stein heldur setja okkur, sem samfélag, í upphafi skólaárs. Hvernig viljum við hegða okkur, gagnvart hvert öðru og samfélaginu í heild,“ segir Helena sem flutti til Flateyrar fyrir nokkrum mánuðum og er alsæl með dvölina fyrir vestan og þær móttökur sem hún og skólinn hafa fengið hjá heimafólki. 

 Facebooksíða Lýðháskólans á Flateyri 

mbl.is

Innlent »

„Ávísun á stórfellda réttaróvissu“

13:30 Hagsmunasamtök heimilanna vekja á heimasíðu sinni athygli á dómi Landsréttar þar sem veðskuldabréf Landsbankans sem gefið var út vegna fasteignaláns er ógilt. Meira »

Hundruð mótmæla framferði ríkisstjórnar

13:10 Á níunda hundrað hafa boðað komu sína á Austurvöll í dag þar sem mótmæla á framferði ríkisstjórnarinnar í málefnum ljósmæðra. Þá hafa 3.500 aðrir áhuga á viðburðinum, sem nefnist Mótmæli: VAKNIÐ RÍKISSTJÓRN! og hefst klukkan 15 í dag. Meira »

Stöðvar gjaldtöku Isavia

12:08 Samkeppniseftirlitið hefur í dag tekið bráðabirgðaákvörðun þar sem Isavia ohf. er gert að stöðva tímabundið gjaldtöku á ytri rútustæðum (fjarstæðum) við Flugstöð Leifs Eiríkssonar. Telur eftirlitið sennilegt að Isavia hafi misnotað markaðsráðandi stöðu sína með óhóflegri verðlagningu. Meira »

Rúmlega tvöföldun eldis í Dýrafirði

12:03 Arctic Sea Farm stefnir að því að auka laxeldisframleiðslu sína í Dýrafirði um 123%. Þetta kemur fram í drögum fyrirtækisins að frummatsskýrslu, þar sem umhverfisáhrif framleiðsluaukningarinnar eru metin. Áform fyrirtækisins miða að því að framleiðsla laxeldisins í firðinum skili tíu þúsund tonnum. Meira »

Innsæið ekki öllum gefið

11:50 „Þetta var náttúrlega samblanda af heppni og einhverju smá innsæi. Þetta er ekki öllum gefið, svona innsæi,“ segir Guðbrandur Ægir Ásbjörnsson á Sauðárkróki, sem stóð uppi sem sigurvegari í HM-tippleik fjölmiðla Árvakurs. Að launum hlýtur Guðbrandur hægindastól frá ILVA, af gerðinni Stressless. Meira »

Fangarnir skelltu sér í sjósund

11:18 Fangar á Kvíabryggju nýttu góða veðrið í gær líkt og aðrir íbúar á Suður- og Vesturlandi til að skella sér í sjósund.  Meira »

Styrkveitingin afturhvarf til fortíðar

10:45 Átta íslenskir bókaútgefendur gagnrýna styrki sem forsætisnefnd Alþingis, skipuð fulltrúum allra flokka, hefur lagt til að Alþingi veiti Hinu íslenska bókmenntafélagi til útgáfu tveggja rita. Þetta gera bókaútgefendur í aðsendri grein í Morgunblaðinu í dag. Meira »

Enginn fannst með eggvopn

10:26 Leit lögreglu að manni, sem sagður var hafa sést á gangi um Laugardalinn í Reykjavík með eggvopn, bar engan árangur. Þetta segir Jóhann Karl Þórisson aðstoðaryfirlögregluþjónn. Lögreglu bárust tilkynningar um ferðir manns í gærkvöldi við verslunarkjarnann Glæsibæ og kom lögreglan á svæðið á tíunda tímanum í gærkvöldi. Meira »

Dagur íslenska fjárhundsins á Árbæjarsafni

10:19 Dagur íslenska fjárhundsins verður haldinn hátíðlegur í Árbæjarsafni á morgun, miðvikudag. Það verða nokkrir hundar á staðnum ásamt eigendum sínum, sem munu glaðir svara spurningum gesta og gangandi um íslenska fjárhundinn. Meira »

Malbikun í Ártúnsbrekku

08:55 Stefnt er að því í dag að malbika innstu akrein í Ártúnsbrekku, frá Höfðabakkabrú og niður að mislægum gatnamótum við Réttarholtsveg/Skeiðarvog. Meira »

Egill tapaði máli sínu fyrir MDE

08:39 Íslenska ríkið braut ekki gegn Agli Einarssyni með dómi í meiðyrðamáli sem hann höfðaði gegn konu árið 2012. Þetta kemur fram í úrskurði Mannréttindadómstóls Evrópu, sem kveðinn var upp í morgun. Meira »

Níu og hálft tonn af rusli

07:00 Sjálfboðaliðar söfnuðu níu og hálfu tonni af rusli í Bolungarvík á Hornströndum í tveimur ferðum þangað í sumar, en þangað fara þeir nú árlega í þeim tilgangi. Er það met því áður höfðu safnast um það bil fimm tonn í hverri hreinsunarferð. Meira »

Hlýjast á Suðurlandi í dag

06:51 Veðurstofan spáir 10 til 18 stiga hita í dag. Hlýjast verður á Suðurlandi en á Norðausturlandi á morgun.  Meira »

Fleiri skrá heimagistingu

06:10 Tíðni skráninga á heimagistingu hjá Sýslumanninum á höfuðborgarsvæðinu hefur aukist talsvert frá því að samningur um eflingu Heimagistingavaktar við atvinnuvega- og nýsköpunarráðuneytið var undirritaður 27. júní sl. Meira »

Eru ekki að gefast upp

05:30 „Við erum ekkert að gefast upp í baráttunni. Við erum eins og kona í fæðingu þegar barnið er alveg að koma – fáum einhvern aukakraft. Þannig er hljóðið í okkur núna,“ segir Hallfríður Kristín Jónsdóttir ljósmóðir. Meira »

Sektir eða fangelsi reynist dýrið friðað

05:30 Umdeilt dráp hvalsins sem talið er að gæti verið steypireyður gæti haft afleiðingar í för með sér fyrir Hval hf. reynist hvalurinn vera steypireyður, sem er alfriðuð tegund. Meira »

Einungis fimm fíkniefnahundar standa vaktina hér á landi

05:30 „Það hefur nær engin umgjörð verið í kringum þennan málaflokk,“ segir Heiðar Hinriksson lögreglumaður, sem umsjón hefur með fíkniefnahundi lögreglunnar í Vestmannaeyjum. Meira »

1.300 tonn fylgja Guns N' Roses

Í gær, 22:20 Margvíslegur búnaður verður fluttur til landsins vegna tónleika Guns N' Roses, sem fram fara á Laugardalsvelli 24. júlí. Vegur búnaðurinn alls um 1.300 tonn, en 65 metra breitt svið verður smíðað á þjóðarleikvanginum og sérstakt gólf lagt yfir grasið. Meira »

Fullt hús á fundi ljósmæðra

Í gær, 22:03 Katrín Sif Sigurgeirsdóttir, formaður samninganefndar ljósmæðra, segir mikinn samhug ríkja meðal ljósmæðra en þær funduðu í kvöld í húsnæði BHM. Hún fullyrðir í samtali við mbl.is að kröfur ljósmæðra muni ekki koma til með að hafa launaskrið í för með sér. Meira »