Gagnrýnd fyrir að afhenta Kristni H. minnisblað

Ingólfur Benediktsson, varaoddviti Árneshrepps.
Ingólfur Benediktsson, varaoddviti Árneshrepps. mbl.is/Golli

Tveir sveitarstjórnarmenn í Árneshreppi gerðu á fundi hreppsnefndar í dag alvarlegar athugasemdir við það vinnulag sem viðhaft var við gerð minnisblaðs lögmannsstofunnar Sóknar um lögheimilisflutninga í hreppinn. Í fréttum hefur ýmist komið fram að minnisblaðið hafi verið unnið fyrir oddvita hreppsins eða Árneshrepp. Við það síðarnefnda kannast aðrir hreppsnefndarmenn ekki og oddvitinn segir „tvennum sögum“ fara af því hver átti frumkvæði að ritun þess: Hann sjálfur eða lögmannsstofan.

Sautján manns fluttu lögheimili sitt í hreppinn á tveggja vikna tímabili í lok apríl og byrjun maí. Á minnisblaðinu segir að litið sé svo á að um „málamyndaflutninga“ sé að ræða vegna sveitarstjórnarkosninganna í lok maí. Miklar deilur hafa staðið um byggingu fyrirhugaðrar Hvalárvirkjunar í hreppnum. Þrír sveitarstjórnarmenn eru fylgjandi virkjuninni en tveir eru henni andvígir. Ákvarðanir um framhald málsins hvíla á herðum sveitarstjórnarmanna.

Lagt fram til kynningar

Minnisblaðið var lagt fram til kynningar á hreppsnefndarfundi í Árneshreppi í dag. Fyrsta dagskrármál fundarins var afgreiðsla ársreikninga og við þá umræðu kom fram að Vesturverk, sem hyggst reisa Hvalárvirkjun, hefði greitt alla reikninga lögmannsstofunnar Sóknar, m.a. reikninga sem ekki tengdust fyrirhugaðri Hvalálvirkjun og skipulagsvinnu í tengslum við hana.

Eva Sigurbjörnsdóttir er oddviti Árneshrepps.
Eva Sigurbjörnsdóttir er oddviti Árneshrepps. mbl.is/Golli

Ingólfur Benediktsson varaoddviti og Hrefna Þorvaldsdóttir hreppsnefndarmaður spurðu Evu Sigurbjörnsdóttur oddvita út í tilurð minnisblaðsins á fundinum og hvers vegna það hefði ratað til Kristins H. Gunnarssonar, fyrrverandi þingmanns, um svipað leyti og hún sendi hreppsnefndarmönnum það. Kristinn birti efni blaðsins á bloggsíðu sinni og í kjölfarið hófst mikil fjölmiðlafjöllun. „Það virðist vera á reiki hver fékk þetta minnisblað fyrst. Ég vil fá afrit af tölvupóstsamskiptum milli þín og Kristins H. Gunnarssonar, ég vil fá afrit af öllum þessum tölvupóstsamskiptum,“ sagði Ingólfur.

Var þessi beiðni hans færð til bókar en Eva svaraði því þegar á fundinum að hún myndi verða við henni. Fullyrti hún að minnisblaðið hefði fyrst verið sent hreppsnefndarmönnum og síðar sama dag Kristni. „Ég er að segja dagsatt,“ svaraði Eva.

Spurði varaoddvitinn hver væri tilgangurinn með því að afhenda Kristni H. Gunnarssyni minnisblaðið. „Er hann fréttamaður?“

Eva sagðist líta svo á. „Hann skrifaði mér og spurði frétta. Ég sagði að ég ætlaði ekki að úttala mig neitt um þetta en að ég ætlaði að senda honum þetta minnisblað. Það hef ég gert en ekki nokkuð annað.“

Hver stjórnar hreppnum?

Ingólfur benti á að Jón Jónsson, lögmaður Sóknar, hefði sagt „skýrum stöfum“ að minnisblaðið væri tekið saman að beiðni oddvita. Eva lýsti því þannig að hún teldi það óljóst en að málið hefði komið upp í samtali sínu við lögfræðinginn. Ingólfur spurði hvort það væri þannig að lögfræðingurinn hefði tekið þetta upp hjá sjálfum sér, að skrifa minnisblaðið, og hvert reikningurinn færi þá. „Er hann farinn að stjórna hérna?“

Gerði Hrefna athugasemd við að ekkert hefði verið rætt um minnisblaðið eða vinnuna við það á fundi hreppsnefndar í síðustu viku, degi eftir að minnisblaðið er dagsett. „Þú ert oddviti Árneshrepps, við erum hreppsnefndin. Þú átt að upplýsa okkur um þetta,“ sagði Hrefna á fundinum.

Íbúar í Árneshreppi hafa verið milli 40 og 50 síðustu ...
Íbúar í Árneshreppi hafa verið milli 40 og 50 síðustu misseri. Nýverið fjölgaði þeim töluvert. mbl.is/Golli

Spurð hvort hún hefði sent Kristni H. Gunnarssyni minnisblaðið umtalaða sagði Eva svo vera. Kristinn birti efni bréfsins á bloggsíðu sinni að kvöldi 10. maí. Efni þess var svo forsíðufrétt Fréttablaðsins daginn eftir og rataði svo í fleiri fjölmiðla þann sama dag. Sagðist Eva ekki hafa viljað fjölmiðlafár í kringum málið en hafa talið ljóst að það myndi spyrjast út enda hefðu sögur verið komnar á kreik um lögheimilisflutningana.

Aðeins sveitarstjórn getur fengið listann

Hreppsnefndarmenn veltu allir fyrir sér hvaðan listi yfir þá sem flutt hefðu lögheimili sitt, og sem endað hefði á bloggsíðu Kristins H. Gunnarssonar daginn eftir að hann birti færslu sína um minnisblaðið, væri kominn. Sagðist Ingólfur hafa spurt Þjóðskrá, verandi formaður kjörnefndar Árneshrepps, hvort hann gæti fengið hann afhentan en svo reyndist ekki vera. Aðeins sveitarstjórn geti fengið slíka samantekt frá Þjóðskrá. Eva sagði að listinn væri ekki frá sér kominn, svo mikið væri víst.

Á umtöluðum lista Kristins H. Gunnarssonar kemur fram að flestir hinna sautján manna séu að flytja lögheimili sín á þrjá staði í Árneshreppi. Einhverjir hafa gefið skýringar á flutningnum í fjölmiðlum, aðrir ekki. Hafa þær skýringar m.a. verið gefnar að um sé að ræða háskólanema sem eru að flytja lögheimili sitt í foreldrahús og hjón sem eiga hús í hreppnum og eru þar löngum stundum á hverju ári. Þá hefur verið bent á að ekki sé um einsleitan hóp að ræða og að ekki séu tengsl milli allra þeirra sem fluttu.

Þjóðskrá hefur óskað eftir því að fólkið geri grein fyrir flutningnum og hefur m.a. fengið lögregluna til þess að fara um Árneshrepp og kanna hvort hinir nýju íbúar séu þar búsettir. Hefur Þjóðskrá sagt að málið hafi komið upp við eftirlit innan stofnunarinnar og að athygli hafi vakið að svo margir væru að flytja lögheimili sitt í þetta fámennasta sveitarfélag landsins á svo stuttum tíma. Sagði Ástríður Jóhannesdóttir, staðgengill forstjóra Þjóðskrár, að þetta væri lögbundið hlutverk stofnunarinnar. Vel kynni að vera að eðlilegar skýringar fyndust á málinu.

Ekki mál hreppsnefndar

Hvað vinnu við minnisblað lögmannsstofunnar Sóknar varðar benti Ingólfur varaoddviti á á fundinum að það kæmi hreppsnefnd ekki við hverjir flyttu í hreppinn. Eva sagði hins vegar að hún teldi að þau ættu að hafa á því skoðun „hverjir flytja í sveitina og af hverju“ en í fréttum hefur komið fram að einhverjir þeirra sem flutt hafa lögheimili sitt í hreppinn hafi gert það í óþökk eigenda viðkomandi húsa.

Strandveiðar eru hafnar í Árneshreppi á Ströndum eins og víðar ...
Strandveiðar eru hafnar í Árneshreppi á Ströndum eins og víðar um landið. mbl.is/Golli

Meðan á fundi hreppsnefndar Árneshrepps stóð í dag kom sending að sunnan í pósti: Kjörskrá hreppsins fyrir komandi sveitarstjórnarkosningar sem eftir á að samþykkja. Hrefna benti á að ef ekki yrði fjallað um kjörskrána á morgun, þriðjudag, „verður ekkert kosið hér“. Tíminn væri að hlaupa frá þeim. Því hefur aukafundur verði boðaður í hreppsnefndinni á morgun. Þó er ljóst að Þjóðskrá á enn eftir að taka ákvörðun um lögheimilisflutningana en málið er enn til skoðunar hjá stofnuninni.

Óhlutbundnar kosningar verða í Árneshreppi í vor eins og síðustu áratugi. Það þýðir að allir íbúar eru í kjöri nema þeir sem hafa ástæður til að biðjast undan því. Ingólfur og Hrefna hafa bæði beðist undan endurkjöri. 

mbl.is

Innlent »

Íhuga nýja málsókn gegn veiðiþjófum

20:44 „Veiðifélagið íhugar það alvarlega að fara í einkamál við þessa þjófa. Sérstaklega á grundvelli þess að þeir hafa nú þegar verið sakfelldir fyrir þjófnað,“ segir formaður veiðifélags Þverár og Kjarrár. Veiðiþjófar sem játuðu sök fyrir dómi voru sýknaðir af skaðabótakröfum og þurftu einungis að greiða 50 þúsund króna sekt. Landssamband veiðifélaga vill að refsirammi slíkra brota verði hækkaður. Meira »

„Allir jafn stressaðir yfir þessu“

20:10 „Maður hefur lent í slæmum sumrum en engu eins og þessu,“ segir Ívar Þór Hilmarsson, framkvæmdastjóri Stjörnumálunar, sem hefur starfað í málningarbransanum í nítján ár. Allt sem tengist útivinnu er á eftir áætlun, að sögn Ívars Þórs, og óvíst er hvort það náist allt að klárast á þessu ári. Meira »

Lækka laun bæjarstjóra Garðabæjar

19:25 Bæjarráð Garðabæjar samþykkti á fundi sínum í gær að lækka laun Gunnars Einarssonar bæjarstjóra. Eftir að Gunnar tók sæti sem bæjarfulltrúi í kjölfar sveitarstjórnarkosninga sagðist hann líklega ætla að afþakka laun sem fylgdu þeirri stöðu. Samkvæmt lögum er það óheimilt og voru bæjarstjóralaun hans því lækkuð. Heildarlaun Gunnars eru kr. 2.213.799 á mánuði auk bifreiðahlunninda. Meira »

Kambarnir lokaðir á morgun

19:05 Kambarnir á Hellisheiði verða lokaðir á morgun vegna malbikunarvinnu. Í tilkynningu frá Vegagerðinni kemur fram að stefnt er á malbika um það bil tveggja kílómetra kafla á báðum akreinum í vestur upp Kamba. Meira »

Vann eina og hálfa milljón

18:46 Hvorki fyrsti né annar vinningur gekk út í Víkingalottóútdrætti kvöldsins. Einn heppinn miðaeigandi fékk hins vegar hinn alíslenska þriðja vinning og hlýtur hann 1.454.440 krónur. Miðinn var keyptur í Kúlunni, Réttarholtsvegi 1 í Reykjavík. Meira »

Stríð milli stjórnsýslu og kjörins fulltrúa

18:35 Vigdís Hauksdóttir, borgarfulltrúi Miðflokksins, segist ekki ætla að tjá sig efnislega um bréf sem Helga Björg Ragnarsdóttir, skrifstofustjóri borgarstjóra, sendi forsætisnefnd. Helga fjallar þar um alvarleg og meiðandi ummæli borgarfulltrúa en umræddur borgarfulltrúi er ekki nefndur á nafn. Meira »

Hipphopphátíðin orðin fastur liður

18:30 Hipphopphátíð Menningarnætur í Reykjavík verður haldin í þriðja skiptið á laugardaginn á Ingólfstorgi og mætti þar með segja að hún sé orðin fastur liður. Hún hefur frá upphafi verið afar vel sótt og það sem kemur e.t.v. mest á óvart er að hún var hugarfóstur manns sem fæddist árið 2001. Meira »

„Yrði aldrei smíðuð í dag“

18:29 Þetta er mjög sérstakt mannvirki. Menn myndu aldrei byggja svona brú í dag sem treystir aðeins á eitt stag,“ segir forstöðumaður hönnunardeildar Vegagerðarinnar um Morandi-brúna í Genúa á Ítalíu sem hrundi í gærmorgun. Hann telur hrun brúarinnar ekki kalla á breytt verklag á Íslandi. Meira »

Óljóst hver á rústir herstöðvar

18:25 Fasteignir á Straumnesfjalli, sem eru rústir herstöðvar, eru ekki skráðar í fasteignaskrá og því er eignarhald þeirra ekki ljóst. Þetta kemur fram í svari Guðmundar Inga Guðbrandssonar, umhverfis- og auðlindaráðherra, við fyrirspurn Lilju Rafneyjar Magnúsdóttir, þingkonu VG. Meira »

Stjórn SUS mótfallin myndavélaeftirliti

18:18 Stjórn Sambands ungra sjálfstæðismanna (SUS) andmælir harðlega tillögum sjávarútvegsráðherra um víðtækt og umfangsmikið myndavélaeftirlit Fiskistofu með sjávarútvegi. Meira »

Ásthildur sækist eftir formennsku

18:05 Ásthildur Lóa Þórsdóttir, kennari og formaður Hagsmunasamtaka heimilanna, hefur ákveðið að gefa kost á sér í embætti formanns Neytendasamtakanna. Meira »

Settu upp „leikrit fyrir fjölmiðla“

17:23 „Þetta er í rauninni ótrúlegt og virðist hafa verið ákveðið leikrit fyrir fjölmiðla,“ segir Sigurborg Ósk Haraldsdóttir, formaður skipulags- og samgönguráðs Reykjavíkurborgar, um þá ákvörðun fulltrúa Sjálfstæðisflokks að ganga út af fundi ráðsins í morgun. Meira »

Þriðjungur á biðlista fer ekki í meðferð

16:43 Það sem af eru þessu ári hefur þriðjungur þeirra sem hafa verið skráðir á biðlista á Vogi ekki skilað sér í meðferð þegar rými losnaði. Hlutfallið hefur haldist svipað síðustu þrjú ár. Um miðjan júlí voru 534 skráðir á biðlista eftir innlögn. Meira »

„Meiðandi og alvarleg“ ummæli fulltrúa

16:37 Skrifstofustjóri hjá Reykjavíkurborg hefur óskað eftir því við forsætisnefnd borgarinnar að tekið verið til skoðunar hvort ákvæði sveitarstjórnarlaga um réttindi og skyldur kjörinna fulltrúa og siðareglur þeirra hafi verið brotin í umræðu þeirra um að hún hafi lagt undirmann sinn í einelti. Meira »

Kæra ákvörðun meirihlutans um Kaplakrika

15:40 Minnihluti í bæjarstjórn Hafnarfjarðar hyggst kæra samþykkt meirihluta bæjarstjórnar til samgöngu- og sveitarstjórnarráðuneytisins. Umrædd samþykkt lýtur að þeirri ákvörðun meirihlutans að falla frá áætlunum um byggingu knatthúss í Kaplakrika og kaupa þess í stað aðrar eignir á svæðinu. Þetta kemur fram í tilkynningu minnihlutans. Meira »

55 dekk ónýt eftir flugeldasýningu

15:39 Við flugeldasýninguna sem var haldin í lok Fiskidagsins mikla á laugardaginn komst eldur í dekkjaþybbur á Suðurgarði við Dalvíkurhöfn. Meira »

„Brutu trúnað til að ná fínni mynd“

15:25 „Þetta er hugsanlega vanhugsaðasta og vandræðalegasta upphlaup sem ég hef orðið vitni að á mínum 8 ára ferli í pólitík,“ skrifar borgarfulltrúinn Kristín Soffía Jónsdóttir á Facebook. Þar á hún við það þegar fulltrúar Sjálfstæðisflokks í skipu­lags- og sam­gönguráði Reykja­vík­ur­borg­ar gengu af fundi í morgun. Meira »

„Notkun glýfosats óæskileg“

14:15 Umhverfis- og auðlindaráðherra segir notkun glýfosats, sem finna má í flestum illgresiseyðum, óæskilega. Hann segir mikilvægt að fólk hugsi um hvaða efni það notar og spyrji sig að því hvort sú notkun sé nauðsynleg. Meira »

Láta gott af sér leiða eftir Fiskidaginn

14:09 Kræsingar sem urðu afgangs eftir Fiskidaginn mikla verða nýttar til góðra málefna svo ekkert fari til spillis. Samhjálp fær veglegar matargjafir og eins verður slegið til veislu á hjúkrunarheimilinu Mörkinni. Samskip flytur matinn frítt til Reykjavíkur. Meira »
Til sölu á Jótlandi, íbúð + iðnaður
Mikið pláss 1268 m/2 á 3000 m/2 lóð, m.a. 300 m/2 íbúð, stórt rafmagnsinntak. Ým...
Lincoln Capri Landau árg. 1957
Bíllinn er lítið ekinn og aðeins tveir eigendur frá upphafi í USA og einn hér he...
Bókhald
NP Þjónusta Býð fram liðveislu við bókanir, reikn-ingsfærslur o.fl. Hafið samban...
Ford F350 Platinium
Til sölu nánast nýr Ford 350 Platinium, skráður í lok árs 2017. Ekin 5000 km. Bí...