Biðtími hefur lengst um 70% frá 2014

Biðlistar eftir varanlegri búsetu í hjúkrunarrými hafa lengst og biðtíminn ...
Biðlistar eftir varanlegri búsetu í hjúkrunarrými hafa lengst og biðtíminn sömuleiðis. Mynd úr safni. mbl.is/Ómar Óskarsson

Biðlistar eftir varanlegri búsetu í hjúkrunarrýmum hafa lengst á undanförnum árum, samkvæmt nýrri samantekt Embættis landlæknis um bið eftir hjúkrunarrýmum hérlendis. Biðtími eftir hjúkrunarrými hefur lengst um nær 70% frá árinu 2014 og í samantekt embættisins er lýst yfir áhyggjum af þeirri stöðu og þeim áhrifum sem löng bið getur haft, bæði á þá einstaklinga sem bíða og á áhrifum biðtímans á aðra þætti heilbrigðiskerfisins.

Í byrjun árs 2014 voru 226 einstaklingar á biðlista eftir hjúkrunarrými, eða 6,1 á hverja 1.000 íbúa 67 ára og eldri. Í ársbyrjun 2018 voru einstaklingarnir orðnir 362, eða 8,6 á hverja 1.000 íbúa yfir 67 ára aldri. 29,2 af hverjum 1.000 íbúum sem eru 80 ára eða eldri voru hins vegar á biðlista í upphafi þessa árs og það hlutfall hefur hækkað þó nokkuð frá árinu 2014, en þá voru 19,1 af hverjum 1.000 íbúum 80 ára og eldri á biðlista eftir varanlegri búsetu í hjúkrúnarrými.

Biðtími hvers og eins einstaklings hefur einnig lengst, en á fyrsta ársfjórðungi þessa árs höfðu þeir 255 sem fengu hjúkrunarrými beðið að meðaltali í 126 daga. Á sama tímabili árið 2014 voru þeir 226 sem fengu úthlutun búnir að vera á biðlista í 74 daga að meðaltali. Biðtíminn er þannig sem áður segir um 70% lengri en hann var árið 2014.

Fjölgun á biðlista á landsvísu nemur 21% á undanförnum 15 mánuðum, en í janúar 2017 voru að meðaltali 303 á biðlista eftir varanlegri búsetu í hjúkrunarrými. Núna í mars síðastliðnum voru þeir 371 að meðaltali.

Ólíkur biðtími á milli heilbrigðisumdæma

Biðtími þeirra sem fluttust á hjúkrunarheimili á árinu 2017 var að meðaltali 113 dagar en var þó talsvert ólíkur á milli heilbrigðisumdæma. Bið þeirra sem fengu hjúkrunarrými á Norðurlandi var lengst, að meðaltali 184 dagar. Næst lengst var bið þeirra sem fengu hjúkrunarrými á Suðurnesjum, eða 151 dagur að meðaltali.

Stystur var biðtíminn á Vesturlandi eða 59 dagar að meðaltali. Á Austurlandi var meðalbiðtíminn næststystur, 74 dagar. Biðtíminn á höfuðborgarsvæðinu er 106 dagar að meðaltali.

Það sem af er árinu 2018 hafa 335 einstaklingar fengið varanlegt hjúkrunarrými. Að meðaltali höfðu þeir verið á biðlista í 127 daga áður en þeir fengu rými.

Tilkynning um samantekina á vef Embættis landlæknis.

mbl.is

Innlent »

„Lítill lundi með stórt hjarta“

07:57 Hinn víðfrægi Tóti lundi hefur kvatt þennan heim fyrir fullt og allt. Tóti bjó á Sæheimum, fiska- og náttúrugripasafni Vestmannaeyja, frá því að hann var pysja, en hann var sjö ára þegar hann féll frá. Meira »

Laxnesssetur í farvatninu

07:37 Ríkisstjórnin samþykkti á ríkisstjórnarfundi á föstudag að hefja mætti viðræður við eigendur Jónstóttar, vestan Gljúfrasteins og Kaldárkvíslar, með það að markmiði að þar verði í framtíðinni byggt upp Laxnesssetur. Meira »

Rigning á landinu sunnanverðu

06:58 Austanátt, 5-10 m/s, verður víðast hvar á landinu í dag, en 10-15 m/s með suðurströndinni fram eftir morgni. Rigning verður á landinu sunnanverðu, en norðan heiða þykknar upp og fer að rigna síðdegis. Hiti verður á bilinu 9 til 16 stig. Meira »

Fundað með tannlæknum

05:30 Tannlæknafélag Íslands og Sjúkratryggingar Íslands (SÍ) munu eiga sinn fyrsta samningafund kl. 17 í dag, en stefnt er að nýjum samningi um tannlækningar aldraðra og öryrkja sem á að taka gildi 1. september nk. Meira »

Metfjöldi á Fiskideginum í ár

05:30 Aldrei hafa fleiri verið á Fiskideginum mikla á Dalvík en um síðustu helgi sé tekið mið af talningu á ökutækjum, segir í frétt á vef Vegagerðarinnar. Meira »

Þrífa með sérstökum vélum

05:30 Að mörgu er að hyggja í höfuðborg. Ýmis tæki og tól létta starfsmönnum lífið þegar kemur að því að þrífa fjölmargar gangstéttir í henni Reykjavík. Meira »

Vilja koma í veg fyrir að sníkjudýr berist

05:30 „Við viljum vera á tánum til þess að koma í veg fyrir að sníkjudýr berist til landsins með innfluttum dýrum og geti haft áhrif á heilbrigði dýra á Íslandi.“ Meira »

Lækka um 88 milljarða á einu ári

05:30 Skuldir ríkissjóðs hafa lækkað um rúma 88 milljarða á síðustu 12 mánuðum. Skuldirnar hafa því lækkað um rúmar 240 milljónir á dag, eða um 10 milljónir á klukkustund. Meira »

Kæra borgina vegna samningagerðar

05:30 Ómar R. Valdimarsson, lögmaður AFA JCDecaux, segir upplýsingar um samning Reykjavíkurborgar við félagið Dengsa sýna fram á ágalla. Meira »

Reka hvalina lengra út á haf

Í gær, 22:29 25 manns vinna að því að reka grindhvalavöðuna, sem hefur haldið sig innan brúar í Kolgrafafirði, annan daginn í röð. „Þeir voru að fara út fyrir brúna og nú á að reyna að reka þá svolítið langt út,“ segir Ein­ar Strand, formaður svæðis­stjórn­ar Lands­bjarg­ar á Snæ­fellsnesi. Meira »

„Hættum í rauninni aldrei“

Í gær, 21:30 Íslenska rokkhljómsveitin Jeff Who? hefur ákveðið að halda tvenna endurkomutónleika í lok september.  Meira »

„Ég gerði mitt allra besta“

Í gær, 20:25 „Íslensku dæturnar eru mínar helstu fyrirmyndir,“ segir Birta Líf Þórarinsdóttir, fimmtán ára crossfit-kappi sem keppti nú í ágúst á heimsleikunum í crossfit í aldurshópnum 14-15 ára. Alls kepptu þrjú íslensk ungmenni á leikunum en Íslendingar hafa ekki áður komist á leikana í þessum aldursflokki. Meira »

Mesta púðrið fer í að leiðbeina fólki

Í gær, 20:06 „Þetta hefur gengið vel,“ segir Grétar Óskarsson, flokksstjóri hjá Vegagerðinni á Selfossi, við mbl.is. Ölfusárbrú var lokað klukkan fjögur síðdegis en reiknað er með að hún verði lokuð í viku. Hjáleið er um Þrengsli og Óseyrarbrú. Meira »

Fatahönnun framtíðar

Í gær, 19:25 „Mig langaði alltaf að prófa eitthvað nýtt og krefjandi. Ég hef lengi haft áhuga á fatahönnun og langaði að prófa að fara utan til þess að læra. Að mínu mati er London besti staðurinn fyrir slíkt,“ segir Guðbjörg Þóra Stefánsdóttir, 23ja ára gamall Akureyringur. Meira »

Stór sprunga í skriðusárinu

Í gær, 19:19 Stór sprunga hefur myndast innan við skriðusárið í Fagradalsfjalli í Hítardal. Efnið mun líklega falla ofan á framhlaupsurðina sem myndaðist þegar skriðan féll 7. júlí. Þetta kemur fram í frétt á vef Veðurstofunnar. Meira »

Umhverfis Langjökul hjólandi á 12 klst.

Í gær, 18:59 Um helgina fór fram fjallahjólakeppnin Glacier 360, en það er eina fjöldaga fjallahjólakeppnin sem haldin er hér á landi. Þetta er í fjórða skipti sem keppnin er haldin, en hjólað er hringinn í kringum Langjökul, samtals 290 kílómetra. Meira »

„Þeir eru bara hérna“

Í gær, 18:25 Grind­hvala­vaðan sem björg­un­ar­sveit­ar­menn ráku úr Kolgrafaf­irði í gær kom aftur inn fjörðinn í morgun og hefur haldið sig þar í dag. Ekki er búið að ákveða hvort þeir verði reknir úr firðinum í kvöld. Meira »

Forstjórinn segir völd sín ofmetin

Í gær, 18:00 Valdheimildir orkustofnunar Evrópu eru ofmetnar, segir Alberto Pototschnig, forstjóri ACER, í samtali við mbl.is. „Það er mikilvægt að taka umræðuna, það er auðvitað stórt skref að taka þátt í innri orkumarkaði Evrópu. Þessi umræða verður þó að byggja á réttum upplýsingum,“ segir hann. Meira »

Umferð handstýrt á Kjalarnesi

Í gær, 17:52 Í kvöld og á morgun er stefnt á að malbika eina akrein til norðurs á Vesturlandsvegi á Kjalarnesi, á um 3,5 kílómetra kafla á milli Leiðhamra og Sjávarhóla og verður umferð um svæðið handstýrt á meðan. Meira »
Bosch þvottavél til sölu
Góð Bosch þvottavél er til sölu í 108 Reykjavík. Verð: 20.000 kr. Hafið samb...
KTM 390 Duke árg. 2018
Eigum á lager til afgreiðslu strax. Frábært 150 kg. hjól, 44 hp. 6 gíra. Létt og...
Olíuskiljur - fituskiljur
Olíuskiljur - fituskiljur - einagrunarplast CE vottaðar vörur. Efni til fráveitu...