Jarðskjálfti, 3,7 að stærð, varð um 14 kílómetra norðvestur af Gjögurtá kl. 21:10 í kvöld. Nokkrir minni eftirskjálftar fylgdu svo í kjölfarið, samkvæmt tilkynningu frá náttúruvársérfræðingum Veðurstofu Íslands.
Tilkynningar hafa borist um að skjálftinn hafi fundist á Siglufirði, Ólafsfirði og á Akureyri, en skjálftar af þessari stærð verða af og til á þessu svæði, samkvæmt Veðurstofunni.