Óvissustigi vegna Skaftárhlaups sem er yfirstaðið hefur verið aflétt. Þetta kemur fram í tilkynningu á vef almannavarna.

Jökulhlaup úr Eystri-Skaft­ár­katli hófst 3. ágúst og þá var óvissustigi almannavarna lýst yfir. Það er gert þegar grunur vaknar um að eitt­hvað sé að ger­ast af nátt­úru- eða manna­völd­um sem á síðari stig­um gæti leitt til þess að heilsu og ör­yggi fólks, um­hverf­is eða byggðar sé ógnað.

Sex dögum eftir að hlaupið hófst var því lokið. Náttúruvársérfræðingur hjá Veðurstofu Íslands sagði að rennsli í Skaftá væri þá orðið eðlilegt miðað við árstíma og því væri hlaupinu lokið.

Skaftárhlaupið var það rúmmálsmesta frá því mælingar hófust. 500 gígalítrar (500 milljarðar lítra) vatns höfðu runnið til sjávar úr Skaftá frá því hlaupið hófst og þar til því lauk. 

Tengdar fréttir

Skaftárhlaup í ágúst 2018

Veðurstofan segir hlaupinu lokið

• 500 milljarðar lítra til sjávar
• Þjóðvegurinn um Eldhraun opnaður
• Mikið vatn í Grenlæk
• Nær öruggt að fé hefur drepist

» Fleiri tengdar fréttir

• Blogga um frétt