Karl og kona voru handtekin við Smáralind í Kópavogi fyrr í kvöld vegna átaka þar sem öxi var dregin upp. Þetta kemur fram á Vísi.is og haft er eftir lögreglu að átökin megi rekja til innheimtu á skuld. Sá sem varð fyrir árásinni er sagður vera með minniháttar áverka.
Fram kemur í frétt Vísis að um einhvers konar uppgjör hafi verið að ræða sem leitt hafi til átaka þar sem öxin var dregin upp. Fólkið sem að árásinni stóð er nú vistað í fangageymslu.
Ekki náðist í lögreglu vegna málsins.