Framlög til tónlistarnáms nema 6,5 milljónum

mbl.is/Skapti Hallgrímsson

Samgöngu- og sveitarstjórnarráðherra hefur samþykkt tillögu ráðgjafarnefndar Jöfnunarsjóðs sveitarfélaga um úthlutun framlaga á grundvelli 7. gr. reglna frá 31. ágúst 2016 vegna nemenda sem þurfa að sækja tónlistarskóla utan síns sveitarfélags fyrir skólaárið 2018-2019.

Framlagið byggist á samkomulagi milli ríkis og sveitarfélaga um eflingu tónlistarnáms og jöfnun á aðstöðumun nemenda til tónlistarnáms, að því er segir í tilkynningu frá ráðuneytinu.

„Framlag á hvern nemenda fyrir skólaárið 2018-2019 er 464.098 kr. og eru samþykktar umsóknir fyrir 14 nemendur. Heildarupphæð framlaga er því um 6,5 m.kr. sem greiðist í jöfnum greiðslum á 12 mánuðum. Við greiðslu framlagsins fyrir nóvember fer jafnframt fram greiðsla vegna framlaga fyrir september og október,“ segir enn fremur.

Áætluð framlög til stuðnings við tónlistarnám á grundvelli 7. gr. 2018-2019

mbl.is
Fleira áhugavert
Fleira áhugavert