Vetrarfærð á flestum leiðum norðan- og austanlands

Það er vetrarfærð víða um land. Myndin er úr safni.
Það er vetrarfærð víða um land. Myndin er úr safni. mbl.is/Golli

Greiðfært er að mestu um sunnan- og vestanvert landið en vetrarfærð er á flestum leiðum norðan- og austanlands að sögn Vegagerðarinnar.

Suðvesturland : Hálkublettir eru á Mosfellsheiði, Kjósarskarði og á Bláfjallavegi.

Vesturland : Snjóþekja er á Holtavörðuheiði, en hálka á Bröttubrekku og á Laxárdalsheiði. Hálkublettir eru á Fróðárheiði.

Vestfirðir : Snjóþekja er á veginum norður í Árneshrepp en víða hálka eða hálkublettir á öðrum leiðum.

Norðurland : Snjóþekja er á Vatnsskarði, á Þverárfjalli og á útvegum í austur Húnavatnssýslu. Krapi er í Ólafsfjarðarmúla en hálka í vestur Húnavatnssýslu, í Skagafirði og á Öxnadalsheiði. Hálkublettir eru í Víkurskarði.

Norðausturland : Hálka er á Mývatns- og Möðrudalsöræfum, Dettifossvegi og á Hólasandi en hálka eða hálkublettir á Norðausturvegi.

Austurland : Hálka er á Fjarðarheiði, Vatnsskarði eystra og í Jökuldal en hálkublettir eru á Fagradal, Breiðdalsheiði, Öxi og nokkuð víða á Héraði.

Suðurland : Hálkublettir eru á Lyngdalsheiði sem og á milli Laugarvatns og Gullfoss

mbl.is