Sveitarstjórn Vopnafjarðarhrepps leggur þunga áherslu á mikilvægi þess að flugþjónusta við Vopnafjörð og Þórshöfn verði ekki skert. Miklu máli skipti að jaðarbyggðir landsins búi við traustar og skilvirkar almenningssamgöngur og örugga sjúkraflutninga.

Kemur þetta fram í ályktun frá fundi sveitarstjórnar í tilefni af drögum að stefnu um almenningssamgöngur sem samgönguráðherra hefur kynnt.

Lagt er til að hætt verði að styrkja flug til Þórshafnar, Vopnafjarðar og Hafnar og í staðinn lögð áhersla á almenningssamgöngur á landi. Áformin koma fram í drögum að heildarstefnu í almenningssamgöngum sem eru til umsagnar í samráðsgátt stjórnarráðs.

Bæjarráð Sveitarfélagsins Hornafjarðar hefur sent frá sér yfirlýsingu þar sem þessum áformum er harðlega mótmælt og talin hætta á að flugsamgöngur við Höfn leggist af, verði af þessum áformum.

Tengdar fréttir

Sviptivindar í flugrekstri

Bláfugl sagt hafa skilað flugrekstarleyfi

• Ernir hyggst skila inn flugrekstrarleyfi
• Fjórtán segja upp hjá Play
• Tilboð sem flugmenn Play þurfa að svara í dag
• Play tekur á móti nýrri þotu

» Fleiri tengdar fréttir