Á leið til byggða

Félagar í Björgunarfélagi Hornarfjarðar eru á leið til byggða með mann sem óskaði eftir aðstoð uppi á Vatnajökli um kvöldmatarleytið í gær. Komust björgunarsveitarmenn á snjóbíl til hans um þrjú í nótt.

Samkvæmt upplýsingum frá Björgunarfélagi Hornafjarðar fékk sveitin boð frá manninum um klukkan 19 í gærkvöldi þar sem hann óskaði eftir aðstoð. Maðurinn var á Vatnajökli í leiðindaveðri, þreyttur, kaldur og treysti sér ekki lengra.

Farið var á tveimur bílum og þremur sleðum frá Björgunarfélagi Hornafjarðar en fljótlega var kallað eftir björgunarsveitum frá Höfn að Hellu og snjóbílum frá Reykjavík. 

Frétt af mbl.is

Maður í vanda á Vatnajökli

Björgunarfélag Hornafjarðar

• 1 blogg um fréttina

Bloggað um fréttina

• Ómar Ragnarsson: Oft alveg ótrúleg þvermóðska erlendra "ævintýramanna".