Steingrímur J. Sigfússon, forseti Alþingis, greindi frá því við upphaf þingfundar á Alþingi í dag að samkvæmt þingsköpum féllu skriflegar fyrirspurnir til ráðherra niður þegar ráðherra færi úr embætti.
Vísaði hann þar til afsagnar Sigríðar Andersen úr stóli dómsmálaráðherra.
Fyrir vikið þyrftu þingmenn sem vísað hefðu fyrirspurnum til Sigríðar sem ekki hefði verið svarað að leggja þær fram aftur ef vilji væri fyrir því.