Bíða kátir eftir flugheimild á Ísafirði

Keppendur í Greenland Air Trophy 2019, sem flugu frá Reykjavík, lentu á Ísafirði um þrjú leytið í gær.

Vélarnar eru á leið sinni yfir Grænlandssund en stysta flugleið þangað er frá Ísafirði, að því er fram kemur í Morgunblaðinu í dag.

Fimm flugvélar af mismundi tegundum og ein þyrla taka þátt í keppninni sem felst í því að lenda og taka á loft á eins stuttri vegalengd og hægt er. Sautján manns fljúga með vélunum sem biðu í gær eftir flugheimild yfir Grænlandssund.