„Við erum heppin með hópinn“

Landslið fyrir Heimsmeistarmót íslenska hestsins í Berlín 4. til 11. …
Landslið fyrir Heimsmeistarmót íslenska hestsins í Berlín 4. til 11. ágúst. mbl.is/Hari

„Þetta lítur vel út og við erum heppin með hópinn. Þetta er jafnsterkur hópur,“ segir Sigurbjörn Bárðarson landsliðseinvaldur íslenska landsliðsins í hestaíþróttum sem kynnt var í dag. Landsliðið keppir fyrir hönd Íslands á Heimsleikum íslenska hestsins sem fram fer í Berlín 4. - 11. ágúst. 

Fjórir knapar urðu heimsmeistarar 2017, þeir hafa rétt til að verja sína titla á HM í Berlín og eiga því öruggt sæti í liðinu. Sjö knapar eru valdir í íþróttakeppni í flokki fullorðinna og fimm knapar í ungmennaflokki. Að auki verða sex hross frá Íslandi í kynbótasýningu á mótinu. 

Sigurbjörn segi ánægjulegt að Íslandsmeistari í fimmgangi, Olil Amble á hestinum Álfarinn frá Syðri-Gegnishólum, hafi gefið kost á sér í liðið. Það styrki fimmgangsvænginn mikið.

Sigurbjörn Bárðarson landsliðseinvaldur.
Sigurbjörn Bárðarson landsliðseinvaldur. mbl.is/Hari

Hann segir einnig gleðilegt að allir þeir knapar sem voru valdir í stóran hóp landsliðsmanna fyrr í vetur skipa liðið í dag. „Það voru samt allir undir í valinu en útkoman var sú að allir í landsliðshópnum sjö í fullorðinsflokki og fimm ungmennaflokk voru valdir í endanlegan hóp. Styrkurinn lá þar,“ segir Sigurbjörn. 

Hrossin fara út til Berlínar 25. júlí og hluti liðsins með þeim. Restin af landsliðinu kemur skömmu seinna. Hestarnir koma ekki aftur til landsins.  

Olil Amble og Álfarinn frá Syðri-Gegnishólum keppa fyrir hönd Íslands …
Olil Amble og Álfarinn frá Syðri-Gegnishólum keppa fyrir hönd Íslands í fimmgangi. mbl.is/Hari

Hér má sjá lista yfir fullskipað liðið og keppnisgreinar sem hver tekur þátt í. 

 Heimsmeistarar frá 2017

  • Jakob Svavar Sigurðsson og Júlía frá Hamarsey keppa í fjórgangi og tölti
  • Gústaf Ásgeir Hinriksson og Sproti frá Innri-Skeljabrekku keppa í fimmgangi, gæðingaskeiði og slaktaumatölti
  • Konráð Valur Sveinsson og Losti frá Ekru keppa í 100m skeiði,  gæðingaskeiði og 250m skeiði
  • Máni Hilmarsson og Lísbet frá Borgarnesi keppa í fjórgangi og slaktaumatölti
Árni Björn Pálsson verður með þrjú hross á Heimsmeistaramótinu í …
Árni Björn Pálsson verður með þrjú hross á Heimsmeistaramótinu í Berlín. mbl.is/Hari

 Fullorðnir  

  • Árni Björn Pálsson og Flaumur frá Sólvangi keppa í fjórgangi og slaktaumatölti
  • Ásmundur Ernir Snorrason og Frægur frá Strandarhöfði keppa í fjórgangi og slaktaumatölti
  • Bergþór Eggertsson og Besti frá Upphafi keppa í 250m skeiði, gæðingaskeiði og 100m skeiði
  • Guðmundur Björgvinsson og Glúmur frá Þóroddsstöðum keppa í 100m skeiði og 250m skeiði
  • Jóhann Rúnar Skúlason og Finnbogi frá Minni-Reykjum keppa í tölti og fjórgangi
  • Olil Amble og Álfarinn frá Syðri-Gegnishólum keppa í fimmgangi, tölti og gæðingaskeiði
  • Teitur Árnason og Dynfari frá Steinnesi keppa í gæðingaskeiði, 100m skeiði og 250m skeiði
Ásmundur Ernir Snorrason og Frægur frá Strandarhöfði keppa í fjórgangi …
Ásmundur Ernir Snorrason og Frægur frá Strandarhöfði keppa í fjórgangi og slaktaumatölti mbl.is/Hari

 Ungmenni  

  • Ásdís Ósk Elvarsdóttir og Koltinna frá Varmalæk keppa í tölti og fjórgangi
  • Benjamín Sandur Ingólfsson og Messa frá Káragerði keppa í gæðingaskeiði, 250m skeiði og 100m skeiði
  • Glódís Rún Sigurðardóttir og Trausti frá Þóroddsstöðum keppa í fimmgangi, gæðingaskeiði, slaktaumatölti og 100m skeiði
  • Hákon Dan Ólafsson og Stirnir frá Skriðu keppa í fjórgangi og slaktaumatölti
  • Ylfa Guðrún Svafarsdóttir og Bjarkey frá Blesastöðum keppa í fimmgangi og gæðingaskeið
Ungmennin sem keppa fyrir hönd Íslands.
Ungmennin sem keppa fyrir hönd Íslands. mbl.is/Hari

 Kynbótahross:

  • Elja frá Sauðholti 7v. og eldri, knapi Árni Björn Pálsson
  • Nói frá Stóra-Hofi 7v. og eldri, knapi Árni Björn Pálsson
  • Eyrún Ýr frá Hásæti 6v., knapi Eyrún Ýr Pálsdóttir
  • Spaði frá Barkarstöðum 6v., knapi Helga Una Björnsdóttir
  • Mjallhvít frá Þverholtum 5v., knapi Þórður Þorgeirsson
  • Hamur frá Hólabaki 5v., knapi Tryggvi Björnsson
mbl.is