Þyrlan lenti á Hamrinum

Áhöfnin á þyrlu Landhelgisgæslu Íslands, TF-GRO, fór í tvö útköll í gær. Fyrst til Akureyrar þar sem farþegi skemmtiferðaskips var alvarlega veikur og svo til Vestmannaeyja. Skyggnið á flugvellinum í Vestmannaeyjum var svo slæmt að þyrlan þurfti að lenda á Hamrinum í Eyjum.

Frétt af mbl.is

Sóttu alvarlega veikan farþega

Útkallið til Vestmannaeyja var hefðbundið sjúkraflug sem hefði við eðlilegar aðstæður verið sinnt af áhöfn sjúkraflugvélar Mýflugs. En þar sem skyggnið var sama sem ekkert á flugvellinum í Vestmannaeyjum þurfti að senda þyrluna, segir Ásgeir Erlendsson upplýsingafulltrúi Landhelgisgæslunnar í samtali við mbl.is.

Þyrlan flaug inn á Hamarinn í lítilli hæð og lenti á miðjum veginum þar sem sjúkrabíll beið með sjúklinginn. Þrátt fyrir mikla þoku og úrkomu gekk útkallið vel.

• Blogga um frétt