„Við þetta ástand verður ekki unað“
Setja bókamerki
Lögreglufélag Suðurnesja (LS) lýsir yfir stuðningi við Landssamband lögreglumanna vegna ályktunar sem send var fjölmiðlum 7. september og fagnar því að fram fari stjórnsýsluúttekt á embætti ríkislögreglustjóra.
„LS telur að hraða beri úttektinni eins og kostur er svo friður geti skapast sem fyrst um störf lögreglunnar. Mál er varða einkennisfatnað lögreglunnar hafa verið í miklum ólestri um langa hríð og nú hafa málefni bílamiðstöðvar ríkislögreglustjóra o.fl. valdið deilum,“ segir í yfirlýsingunni.
„Við þetta ástand verður ekki unað enda kastar það rýrð á lögregluna og störf hennar sem grefur undan því mikla trausti sem almenningur ber til lögreglunnar. Á endanum gæti þetta ástand því komið niður á öryggi almennings. LS skorar á nýjan dómsmálaráðherra að beita sér fyrir ásættanlegri lausn þessara mála,“ segir ennfremur í yfirlýsingunni.
Þurfa að taka myndir áður en goslokum er lýst yfir
„Þetta þarf að fara að gerast“
„Miklar líkur á rýmingu á næstu sólarhringum“
Merkilegt hve lengi gosið hélt dampi
Tólf ára drengur illa fótbrotinn
Sleppt úr varðhaldi: Búið að klippa kanta á seðlum
„Gleymum því ekki að okkar vali fylgir ábyrgð“
