Karlmaður hefur verið ákærður fyrir sérstaklega hættulega líkamsárás í miðbæ Reykjavíkur aðfaranótt 30. ágúst 2016. Málið verður þingfest fyrir Héraðsdómi Reykjavíkur í næstu viku.
Manninum er gefið að sök að hafa slegið annan ítrekað í höfuð og andlit með stólfæti með þeim afleiðingum að fórnarlambið fékk skurð á hnakka sem sauma þurfti saman með tveimur sporum. Þá hlaut fórnarlambið einnig brot á vanga- og kinnkjálkabeinum, mar á augnsvæði og augnskaða sem hafði í för með sér verulegt sjóntap en sjón hans varð 10% sjón á vinstra auga og 40% sjón á hægra auga.
Í einkaréttarkröfu gerir fórnarlambið kröfu um fimm milljónir króna í skaðabætur, með dráttarvöxtum.