Lögbannskröfu vegna smálána hafnað

Sýslumaðurinn á höfuðborgarsvæðinu hefur hafnað lögbannskröfu Neytendasamtakanna á innheimtufyrirtækið Al­menna inn­heimtu ehf. og for­svars­mann þess Gísla Kr. Björns­son. 

Breki Karlsson, formaður Neytendasamtakanna, staðfestir þetta í samtali við mbl.is. Samtökin kröfðust lögbannsins vegna þess að þau telja fyrirtækið beita ólög­mæt­um aðferðum við inn­heimtu krafna þannig að hlut­fallstala kostnaðar sé mun hærri en lög heim­ili.

Frétt af mbl.is

Fara fram á lögbann vegna smálána

Breki segir að rökstuðningur sýslumanns hafi verið á þá leið að fólk geti sjálft sótt kröfur sem það eigi inni hjá fyrirtækinu. 

„Við ætlum að áfrýja þessu og fara með málið fyrir dóm,“ segir Breki. „Við unum þessu ekki og teljum almannaheill vera undir.“

Krafa Neytendasamtakanna var sett fram með aðstoð VR. Von er á frek­ari aðgerðum gegn smá­lána­fyr­ir­tækj­un­um og þeim fyr­ir­tækj­um sem aðstoða þau við að viðhalda ólög­legri starf­semi gegn neyt­end­um sem eiga erfitt með að bera hönd fyr­ir höfuð sér.

• 1 blogg um fréttina

Bloggað um fréttina

• Baldvin Björgvinsson: Ekki flókið að leysa þetta