Lögreglan á Akureyri stöðvaði bruggframleiðslu í heimahúsi í gærkvöldi. Ekki liggur nákvæmlega fyrir hversu mikið magn af áfengi var búið að framleiða en húsráðandi var yfirheyrður vegna málsins.
Jafnframt voru fíkniefni haldlögð í öðru máli sem kom upp á Akureyri í gærkvöldi. Ekki var um mikið magn að ræða, að sögn varðstjóra í lögreglunni á Norðurlandi eystra.