„Við tökum bara einn dag í einu. Ástandið er erfitt en hún er rosalega sterk eins og íslenskur víkingur,“ segir Þórunn Alda Gylfadóttir móðir Sólrúnar Öldu Waldorff sem liggur alvarlega slösuð á spítala í Svíþjóð eftir að eldur kom upp í kjallaraíbúð hennar og Rahmon Anvarov kærasta hennar á miðvikudaginn.
Styrktarreikningur hefur verið stofnaður fyrir þau þar sem fyrirséð er að þau eigi eftir að dvelja á sjúkrastofnun í talsverðan tíma og eftir það tekur við endurhæfing. Frá þessu var fyrst greint á vef Mannlífs í dag.
Flogið var með Sólrúnu á sjúkrahús í Svíþjóð á fimmtudaginn. Kærasti hennar liggur á Landspítalanum í Reykjavík.
„Við viljum skila miklu þakklæti til starfsfólks Landspítalans, til Landhelgisgæslunnar og til allra sem hafa stutt okkur og sýnt hlýhug. Það hjálpar okkur mikið,“ segir Þórunn Alda.
Þórunn er í Svíþjóð auk föður hennar Þórði Waldorff og stjúpföður, Pétri Karlssyni. Þau flugu öll út á fimmtudaginn.
„Við ákváðum að fara í þessa söfnun því þau misstu allt í íbúðinni þar sem hann leigði herbergi í. Þetta verður langur tími í endurhæfingu, jafnvel heilt ár,“ segir Þórður Waldorff faðir Sólrúnar. Að minnsta kosti tveggja mánaða spítaladvöl er framundan hjá þeim.
Á föstudagskvöld var efnt til bænastundar í Grindarvíkurkirkju fyrir þau sem vinkonur Sólrúnar stóðu fyrir.
Reikningsnúmer: 0370-26-014493 Kennitala: 191193-2379