Reyna að ná bátnum af strandstað

Varðskipið Týr er væntanlegt í Súgandafjörð þar sem aðstæður verða skoðaðar og metið hvort hægt verði að ná bátnum Einari Guðnasyni ÍS af strandstað.

Mannbjörg varð þegar báturinn strandaði við Gölt á utanverðum Súgandafirði í gærkvöldi en neyðarkall barst frá bátnum um klukkan 22:00. Fjórir voru um borð.

Eins og áður hefur komið fram voru aðstæður erfiðar á vettvangi sökum brims. Þyrla Landhelgisgæslunnar kom á vettvang skömmu fyrir tólf á miðnætti og voru skipverjarnir allir komnir í þyrluna á miðnætti og fluttir til Ísafjarðar.

Varðskipið Týr er væntanlegt í Súgandafjörð milli klukkan 9 og 10 þar sem ætlunin er að reyna að bjarga bátnum.

Báturinn Einar Guðnason strandaði við Gölt á utanverðum Súgandafirði í ...
Báturinn Einar Guðnason strandaði við Gölt á utanverðum Súgandafirði í gærkvöldi. mbl.is/Sigurður Bogi
mbl.is