Ók inn í snjóflóð í Ljósavatnsskarði

Ökumaður bifreiðar ók inn í snjóflóð sem féll þvert á veginn í Ljósavatnsskarði við Ljósavatn rétt fyrir klukkan níu í kvöld. Búið að loka veginum frá Krossi að Grenivíkurafleggjara og gert er ráð fyrir að vegurinn verði lokaður í nótt og munu liðsmenn björgunarsveita verða við lokunarpósta í nótt.

Hvorki ökumanninum né farþegum bifreiðarinnar varð meint af.

Upplýsingar liggja ekki fyrir hversu stórt snjóflóðið var. Ökumaðurinn ók inn í flóðið að austanverðu. Samkvæmt upplýsingum frá lögreglu er líklegt að fólkið hafi ekki séð flóðið sögum slæms skyggnis og lélegrar færðar.

Frétt af mbl.is

Leiðindaveður og víða ófært

Vegir eru víða lokaðir á Norðurlandi vegna færðar en hvass vindur og ofankoma er norðan- og austantil. Þá er gul viðvör­un í gildi á Strönd­um og Norður­landi, Aust­ur­landi, Suðaust­ur­landi og Miðhá­lendi.

• Blogga um frétt