Starfsmönnum Terra á Ísafirði og Hampiðjunnar hefur verið ráðið frá því að vera í því húsnæði sem er á Grænagarðsreit í Skutulsfirði, samkvæmt ráðgjöf ofanflóðavaktar Veðurstofu Íslands.

Talin er hætta á snjóflóðum í hlíðinni fyrir ofan.

Eins hefur þótt öruggara að hafa sorpmóttökuna í Funa í Skutulsfirði lokaða. Þá var íbúum á sveitabæ í Bolungarvík ráðlagt að dvelja á öruggari stað vegna stöðunnar sem er uppi.

Þetta kemur fram á Facebook-síðu lögreglunnar á Vestfjörðum.

Í gær var sorpmóttakan lokuð, auk þess sem starfsemi Terra og Hampiðjunnar var hætt fyrir klukkan 16.

Súðarvíkurhlíð. mbl.is/Sigurður Bogi

Staðan á Vestfjörðum er óbreytt. Enn er töluverður vindur og skafrenningur með éljagangi. Skyggni er víðast hvar ekki gott.

Ekki hefur verið hægt að opna marga fjallvegi í umdæminu og enn eru Flateyrarvegur og vegurinn milli Súðavíkur og Ísafjarðar lokaðir af öryggisástæðum vegna snjóflóðahættu. Ólíklegt er að þessar leiðir opni fyrr en á morgun.

Veðurspáin gerir svo ráð fyrir mun betra veðri á Vestfjörðum á morgun.

Frétt af mbl.is

Horfir til betri vegar eftir rysjótta tíð

Tengdar fréttir

Óveður í janúar 2020

Kannast ekki við að hafa réttarstöðu sakbornings

• Tveir með réttarstöðu sakbornings
• Farþegum til Íslands fjölgaði um 17%
• Illviðrisdagar óvenjumargir
• Lögmenn sátu um ferðamennina í Gullfosskaffi

» Fleiri tengdar fréttir

• Blogga um frétt