Sameining sveitarfélaga á Austurlandi staðfest

Samgöngu- og sveitarstjórnarráðherra staðfesti í dag sameiningu Borgarfjarðarhrepps, Djúpavogshrepps, Fljótsdalshéraðs og Seyðisfjarðarkaupstaðar í eitt sveitarfélag. Með sameiningunni verður til eitt stærsta sveitarfélag landsins að flatarmáli, með tæplega fimm þúsund íbúa.

Íbúar sveitarfélaganna samþykktu sameininguna með afgerandi hætti 26. október.

Frétt af mbl.is

Sameining á Austurlandi samþykkt

Boðað verður til sveitarstjórnarkosninga laugardaginn 18. apríl þar sem kosið verður í sveitarstjórn hins sameinaða sveitarfélags. Nýkjörin sveitarstjórn tekur við stjórn sveitarfélagsins 15 dögum síðar eða 3. maí og á sama tíma tekur sameiningin gildi.

Framundan er atkvæðagreiðsla um nýtt nafn hins sameinaða sveitarfélags en nafnanefnd auglýsti eftir hugmyndum og bárust 112 tillögur með 67 hugmyndum að nýjum nöfnum. Nokkrar tillögur verða lagðar fyrir kjósendur í atkvæðagreiðslu sem fer fram samhliða sveitarstjórnarkosningum 18. apríl.

• Blogga um frétt