„Ég er líka barn Katrín“
Setja bókamerki
Maní, sautján ára transdrengur sem á að vísa úr landi á mánudag, mótmælti fyrirhugaðri brottvísun fyrir framan Alþingishúsið í gær. Hann stóð þar með skilti sem á stóð „Ég er líka barn Katrín“. Má ætla að skilaboðunum hafi verið beint til Katrínar Jakobsdóttur forsætisráðherra.
Nokkrir vinir Maní mótmæltu með honum en Maní hefur stundað nám í Fjölbrautaskóla Suðurnesja og eignast þar marga góða vini. Hann kom til landsins með foreldrum sínum, sem á einnig að vísa úr landi, fyrir tæpu ári.
6.000 styðja Maní
Maní er frá Íran en vísa á fjölskyldunni til Portúgal. Fjölskyldan er viss um að þaðan verði henni vísað til Íran. Aðstæður hinsegin fólks í Íran eru slæmar og eru dæmi um að hinsegin fók sé útskúfað úr samfélaginu, beitt ofbeldi og jafnvel myrt.
Brottvísun Maní verður mótmælt fyrir utan dómsmálaráðuneytið klukkan þrjú í dag. Rúmlega 6.000 manns hafa skrifað undir áskorun á íslensk stjórnvöld um að skoða mál fjölskyldunnar betur.
Of margir nemendur og ákall um hæft starfsfólk
Hætta vegna jarðfalls í sprungur metin töluverð
Búið að fella björninn
Björninn sagður nálægt byggð
Vendingar vestanhafs geti haft áhrif hér heima
Vangaveltur gengu lengra en innistæða var fyrir
Davíð Viðarsson var skyndihugdetta