Íslenska fjölskyldan sem var flutt heim til Íslands frá borginni Wuhan í Kína á föstudag er ekki smituð af kórónuveirunni COVID-19. Þetta staðfestir Rögnvaldur Ólafsson, lögreglufulltrúi hjá al­manna­varna­deild rík­is­lög­reglu­stjóra, við mbl.is.

Fjölskyldan hafði dvalið í Wuhan, þar sem kórónuveiran COVID-19 hóf útbreiðslu sína í lok síðasta árs, og óskaði eftir því að komast heim. Fólkinu var komið í sérstakt flug til Frakklands, þaðan sem flogið var með það til Reykjavíkur á föstudag.

Frétt af mbl.is

Íslenska fjölskyldan komin heim frá Wuhan

Rögnvaldur segir að sýni hafi verið tekin af fjölskyldunni við heimkomu og voru þau öll neikvæð.

Þrátt fyrir það verður áfram fylgst með fjölskyldunni og þarf hún að dvelja í fjórtán daga sóttkví. 

Enn hef­ur eng­inn greinst með kór­ónu­veiruna COVID-19 á Íslandi, en alls hafa 33 sýni verið rann­sökuð.

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt