Heilbrigðiskerfið ráði við það versta

Þórólfur Guðnason sóttvarnalæknir á fundinum í dag.
Þórólfur Guðnason sóttvarnalæknir á fundinum í dag. mbl.is/Kristinn Magnússon

Þórólfur Guðnason sóttvarnalæknir sagði á blaðamannafundi sem haldinn var síðdegis vegna kórónuveirunnar COVID-19 að íslenska heilbrigðiskerfið myndi ráða við verstu mögulegu sviðsmynd vegna veirunnar. Samkvæmt henni myndu 300 tilfelli koma upp hér á landi og upp undir tíu dauðsföll.

Versta mögulega sviðsmynd hér á landi tekur mið af því hvernig málin hafa þróast í Hubei-héraði í Kína. Tölur þaðan eru síðan yfirfærðar á Ísland og ekki tekið tillit til aðgerða viðbragðsaðila.

Það er vissara að sótthreinsa hendurnar.
Það er vissara að sótthreinsa hendurnar. Kristinn Magnússon

„Ef tölur þaðan væru yfirfærðar á Ísland, án þess að við myndum gera eitthvað, gætum við búist við 300 tilfellum. 20 af þeim yrðu gjörgæslutilfelli og dauðsföll upp undir tíu,“ sagði Þórólfur.

„Ég held að heilbrigðiskerfið á Íslandi geti ráðið við þetta,“ sagði Þórólfur.

Sóttvarnalæknir benti enn fremur á að einkennalaust fólk, sem væri smitað en ekki veikt, gæti ekki smitað aðra. 

mbl.is

Kórónuveiran

25. maí 2020 kl. 13:03
3
virk
smit
1791
hafa
náð sér
0
liggur á
spítala
10
eru
látnir