Borgarholtsskóli komst í úrslit Gettu betur í kvöld eftir 28-24 sigur gegn Fjölbrautaskólanum við Ármúla í æsispennandi undanúrslitaviðureign. Úrslit keppninnar réðust í bráðabana, þar sem lið Borgarholtsskóla tryggði sér sigur með því að verða fyrri til að svara tveimur bjölluspurningum rétt.
Það verða því þau Fanney Ósk, Magnús Hrafn og Viktor Hugi sem keppa fyrir hönd Borgarholtsskóla í úrslitaviðureign Gettu betur, en í næstu viku mun ráðast hvort það verður lið Menntaskólans í Reykjavík eða Verzlunarskóla Íslands sem mætir Borgarholtsskóla þar.