Iðnaðarmenn unnum hörðum höndum í gær við að standsetja húsið Birkiborg á lóð Landspítalans í Fossvogi, en þar verður starfrækt sérstök göngudeild þar sem fólki með kórónuveiruna verður sinnt.

Samhliða þessu hefur verið sett upp fjarheilbrigðisþjónusta við sjúklinga í einangrun heima fyrir. Ef nauðsynlegt reynist að grípa til innlagna hefur Landspítali helgað deild A7 í Fossvogi fyrir sjúklinga í COVID-19-einangrun og mun bæta við rúmum í samræmi við þörf.

Deild þessi var sett á fót fyrir nokkrum dögum og fær nú fast aðsetur. Yfirlæknir deildarinnar er Ragnar Freyr Ingvarsson og deildarstjóri er Sólveig Sverrisdóttir. Á þriðja tug starfsmanna Landspítalans, læknar og hjúkrunarfræðingar, sinna nú ráðgjafarþjónustu og símaeftirliti hjá því fólki sem greint hefur verið með COVID-19. Fjölgað er í liðinu eftir því sem fleiri greinast. Stærsti hluti símaþjónustu göngudeildar er í Fossvogi en tök eru á stækkun á skrifstofum spítalans í Skaftahlíð.

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir