Samkomubann, sóttkví og aðrar aðgerðir til að hamla útbreiðslu kórónuveikinnar hafa breytt lífsmynstri margra undanfarna daga. Margir vinna og læra heima og sækja ýmiss konar afþreyingu þar.

Birtast breytingarnar meðal annars í því að notkun farsíma hefur tvöfaldast í mínútum talið, samkvæmt upplýsingum Símans og Vodafone. Gagnamagn heimatenginga hefur sömuleiðis aukist umtalsvert, símtöl í gamla heimasímann hafa aukist og sjónvarpsáhorf hefur farið í hæstu hæðir.

„Vikan var eins og jóla- eða páskafrí og við búumst við því að þessi vika gæti orðið enn stærri,“ segir Bryndís Þóra Þórðardóttir, vörustjóri hjá Símanum, um notkun á Sjónvarpi Símans. Netnotkun hefur sömuleiðis aukist mikið á daginn. Fólk hættir gjarnan streyminu klukkan 14 til að horfa á blaðamannafund almannavarna.

Umferðin minnkar stórlega

Breytingar á lífsháttum koma ekki síður fram í umferðartölum. Umferðin á höfuðborgarsvæðinu hefur dregist saman um 15% frá sama tíma í fyrra og enn meira á Hringveginum, þar sem mesti samdrátturinn er nærri 42%. Gríðarlegur samdráttur hefur orðið í nýtingu bílastæða og bílastæðahúsa í miðbæ Reykjavíkur. Innkoma í stöðumæla hefur minnkað um 70-80% milli mánaða.

Frétt af vef Vegagerðarinnar

Sömu sögu er að segja um flugumferð. Þannig voru aðeins 11 komur og brottfarir um Keflavíkurflugvöll í gær en 55 flugferðum aflýst, að því er fram  kemur í umfjöllun um þessi mál í Morgunblaðinu í dag.

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir