Örorku- og endurhæfingarlífeyrisþegar, sem eiga rétt á orlofsuppbót á árinu 2020, fá 20 þúsund króna eingreiðslu til viðbótar vegna þeirra áhrifa sem COVID-19-faraldurinn hefur haft.

Tillaga þess efnis var samþykkt á Alþingi í gær sem hluti af aðgerðapakka stjórnvalda vegna COVID-19. Jafnframt var gerð breyting á lögum um almannatryggingar til að þessi greiðsla gæti farið fram. Greiðslan kemur til framkvæmda 1. júní næstkomandi.

Greiðslan kemur til viðbótar þeirri orlofsuppbót sem örorku- og endurhæfingarlífeyrisþegar eiga rétt á í ár og telst ekki til tekna þeirra. Hún mun þar af leiðandi ekki skerða aðrar greiðslur til hópsins.

Miðað er við að um það bil 20.000 örorku- og endurhæfingarlífeyrisþegar uppfylli skilyrðið um rétt á orlofsuppbót á árinu 2020 og er kostnaður ríkissjóðs vegna aðgerðarinnar áætlaður um 400 milljónir króna. 

Ásmundur Einar Daðason, félags-og barnamálaráðherra, segir í fréttatilkynningu: „Áhrifanna af COVID-19-faraldrinum gætir víða í okkar samfélagi og við höfum frá upphafi lagt áherslu á það að styðja við viðkvæma hópa á þessum tímum. Á nokkrum vikum hefur daglegt líf okkar allra raskast mikið og aukið álag á öllum sviðum samfélagsins, ekki síst þá hópa sem minna mega sín. Það er því einkar ánægjulegt að þessi tillaga hafi verið samþykkt á Alþingi. Saman förum við í gegnum skaflinn.“

Tengdar fréttir

Kórónuveiran Covid-19

Rétti barni sínu frekar sígarettur en iPad

• Eitt bóluefni verður í boði gegn covid-19 í vetur
• Varar við fleiri tilfellum í vetur
• Bóluefni hafi fækkað dauðsföllum
• Engin ein skýring á niðursveiflu

» Fleiri tengdar fréttir

• 1 blogg um fréttina

Bloggað um fréttina

• Örn Gunnlaugsson: Nammibúðin Ríkissjóður.