Ekki er full eining í Eyjafirði um friðun fjarðarins fyrir sjókvíaeldi.
Meirihluti bæjarfulltrúa á Akureyri samþykkti bókun þar sem skorað er á sjávarútvegsráðherra að leyfa ekki sjókvíar í firðinum, að því er fram kemur í Morgunblaðinu í dag.
Í Fjallabyggð hefur aftur á móti verið horft til uppbyggingar atvinnu við sjókvíaeldi. Tvö fyrirtæki voru með áform um uppbyggingu sjókvíaeldis en ferlið var stöðvað með lagabreytingu á síðasta ári.