Vegna rafmagnsleysis er embætti Skattsins lokað í dag, einnig er skert þjónusta á vefjum embættisins. Greint er frá þessu á vef Skattsins, rsk.is.
Snorri Olsen ríkisskattstjóri segir að galli í línu, sem tengdi rafmagn frá tengikassa inn í húsnæði Skattsins, hafi komið í ljós og verið sé að gera við skemmdirnar.
Opnað verði um leið og viðgerð ljúki.
Ríkisskattstjóri segir bilunina ekki tengjast því að álagning opinberra gjalda á einstaklinga 2020 vegna tekna ársins 2019 verður aðgengileg á þjónustusíðu hvers og eins einstaklings á vefnum rsk.is á morgun.