Mikill eldur er í gamla frystihúsinu í Hrísey og liggur þykkur reykur yfir eyjunni. Að sögn Ólafs Stefánssonar, slökkviliðsstjóra á Akureyri, er um varnarbaráttu að ræða og unnið að því að rýma flest hús í eyjunni.

Líkt og mbl.is greindi frá á sjötta tímanum í morgun kviknaði í frystihúsinu í nótt og hefur mikill mannskapur og búnaður verið sendur út í eyjuna í morgun auk þess sem heimamenn taka þátt í slökkvistarfinu.

Ólafur segir að allt tiltækt lið taki þátt í varnarbaráttunni við eldinn en hann er ásamt öllum mannskap að störfum í Hrísey. 

Við þurfum að rýma nánast öll húsin í eyjunni þar sem vindáttin hefur verið að breytast fram og til baka, segir Ólafur þegar blaðamaður mbl.is náði í hann á áttunda tímanum. 

Lögreglan biður íbúa í Hrísey að loka öllum gluggum hjá sér og auka kyndingu. Vart hefur orðið við ammoníaksleka frá vettvangi og eru íbúar beðnir að halda sig innandyra. 

Frétt af mbl.is

Mikill eldsvoði í Hrísey

Mannskapur hefur verið ferjaður út í Hrísey í morgun bæði með Hríseyjarferjunni Sævari og eins fiskibátnum Særúnu en skipverjar voru á leið á veiðar en frestuðu því til þess að taka þátt í að ferja fólk á milli lands og eyjar.

Tengdar fréttir

Eldsvoði í Hrísey

Eldsvoðinn líklega af mannavöldum

• Frítt í Hríseyjarferjuna út júní
• „Þetta er hræðilegt áfall en við ætlum að vera bjartsýn“
• Bruninn í Hrísey líklega íkveikja eða slys
• Langstærsti vinnustaðurinn brunninn

» Fleiri tengdar fréttir

• Blogga um frétt