Með hærra þjónustustigi Borgarlínu má gera ráð fyrir að rekstrarkostnaður Strætó bs. muni aukast um tvo milljarða króna árlega. Ekki liggur fyrir hversu mikil tekjuaukningin kann að vera. Þetta segir Hrafnkell Á. Proppé, forsvarsmaður verkefnastofu Borgarlínu.

Eins og áður hefur komið fram hafa þingmenn Miðflokksins gagnrýnt mjög áform um uppbyggingu Borgarlínu á höfuðborgarsvæðinu í umræðum um samgönguáætlun. Telja þeir að ekki liggi fyrir nein haldbær kostnaðaráætlun vegna framkvæmdanna, auk þess sem arðsemismat og rekstraráætlun finnist hvergi.

Að sögn Hrafnkels liggur endanleg rekstraráætlun ekki fyrir, sem sé þó jafnframt mjög eðlilegt. Að því undanskildu liggi allar helstu staðreyndir fyrir. „Menn eru ekki í algjöru myrkri hvað þetta varðar. Það liggur fyrir hvað mun kosta að reka vagna Borgarlínunnar. Hins vegar er enn verið að ítra leiðarkerfisbreytingar sem munu spila inn í endanlega rekstraráætlun fyrir allt leiðarkerfi Strætó,“ segir Hrafnkell í umfjöllun um mál þetta í Morgunblaðinnu í dag, og bætir við að ekki sé komið í ljós hversu mikið tekjur munu aukast með öflugra þjónustustigi.

Tengdar fréttir

Borgarlínan

Bæta þarf samgöngur til að breyta ferðavenjum

• Stóraukið fé til samgöngusáttmála
• 100 km jarðgöng leysa ekki vandann
• Undrast meiri gjaldtöku án bættra almenningssamgangna
• Byggt við flugvöllinn enn á ný

» Fleiri tengdar fréttir