Dagur B. Eggertsson borgarstjóri sendi í dag samúðarkveðjur til Beirút, höfuðborgar Líbanons, vegna sprenginganna sem urðu þar í gær.
Í bréfinu sínu til borgarstjórans Jamal Itani vottar Dagur íbúum borgarinnar djúpa samúð vegna harmleiksins.
„Almenningur í Reykjavík sýnir íbúum Beirút samstöðu á þessum erfiðu tímum. Hugur okkar er hjá fórnarlömbunum, fjölskyldum þeirra og allra þeirra sem tengjast því sem gerðist,“ skrifaði Dagur.