Starfsmenn Ríkisútvarpsins funduðu í gær vegna kæru Samherja til siðanefndar RÚV, í tilefni meintra brota þeirra gegn siðareglum RÚV. Beðið er úrskurðar siðanefndarinnar sem enn er óskipuð.

Í siðareglum RÚV segir að útvarpsstjóri skuli skipa formann siðanefndar og formaður skuli uppfylla starfsgengisskilyrði héraðsdómara, en starfsmannasamtök Ríkisútvarpsins skipi einn nefndarmann og Siðfræðistofnun Háskóla Íslands skipi einn nefndarmann.

Þurfa að uppfylla hæfisskilyrði

Siðanefnd RÚV var skipuð haustið 2016 til þriggja ára, í samræmi við siðareglur RÚV, en vegna end­ur­skoðunar siðareglna, sem staðið hefur yfir frá síðasta ári, hef­ur því ekki verið end­ur­skipað í nefnd­ina.

Frétt af mbl.is

Engin siðanefnd til að taka við kæru Samherja

Segir í siðareglum að þegar fram komi kæra fyrir brot á siðareglum geti nefndin að auki, eftir eðli máls, kallað til sérfróðan aðila til ráðgjafar og upplýsingar en viðkomandi hefur ekki atkvæðisrétt. 

Samkvæmt siðareglunum mega nefndarmenn þó ekki fjalla um kæru ef þeir uppfylla ekki hæfisskilyrði 3. gr. stjórnsýslulaga nr. 37/1993.

Frétt af mbl.is

„Ég var að verjast rangfærslum“

Tengdar fréttir

Samherji

Mikilvægt að treysta viðskiptasamböndin

• Söfnuðu mottum og hálfri milljón
• Fengu allir sokka í tilefni mottumars
• Kaldbakur fékk yfirhalningu á Akureyri
• SKE rannsakar Samherja og Síldarvinnsluna

» Fleiri tengdar fréttir

• Blogga um frétt