Skilaði veski með tugum þúsunda

Heiðarlegur maður að nafni Garðar gerði sér ferð á lögreglustöðina í Keflavík í dag og skilaði þar seðlaveski sem hann hafði fundið í miðbæ Keflavíkur.

Í veskinu var umtalsvert af reiðufé auk ýmissa skilríkja. Lögreglan á Suðurnesjum segir frá þessu á Facebook.

Greiðlega gekk að hafa upp á eigandanum og er veskið er nú komið í hendur hans. Lögregla og eigandi veskisins þakka Garðari kærlega fyrir. „Það mættu fleiri vera eins og Garðar,“ klykkir lögreglan út með.

• Blogga um frétt