Fjögur smit til viðbótar tengd Reykjalundi
Setja bókamerki
Þrjú smit hafa greinst til viðbótar hjá starfsfólki Reykjalundar eftir að starfsmaður greindist þar smitaður af Covid-19 á fimmtudaginn. Þá er vitað um að minnsta kosti einn skjólstæðing sem einnig hefur greinst jákvæður.
Vegna þessa hefur framkvæmdastjórn Reykjalundar ákveðið að gera meðferðarhlé hjá öllum þjónustuþegum dag- og göngudeilda Reykjalundar vikuna 21.-25. september, en um 100-120 manns heimsækja Reykjalund daglega í þessum tilgangi. Þetta þýðir að gert er hlé á meðferðum allra átta meðferðarteyma þessa viku. Þetta kemur fram í tilkynningu frá Reykjalundi.
Eftir að fyrsta smitið kom upp var í öryggisskyni hluti af starfsemi Reykjalundar lokað tímabundið og fóru 18 starfsmenn í sóttkví. Jafnframt var haft samband við þá skjólstæðinga sem verið höfðu í návist viðkomandi einstaklings. Fóru þeir ýmist í sóttkví og sýnatöku eða gerðu tímabundið hlé á sinni meðferð á Reykjalundi.
Fram kemur jafnframt að stjórnendur Reykjalundar muni fylgjast grannt með stöðu mála og bregðast við eftir þörfum. Verða gefnar út nákvæmari upplýsingar fyrir lok næstu viku.
Vonast til að tjaldbúðir við HÍ standi áfram
Gígbarmurinn hækkað frá því í gær
Banna mengandi búnað sem leyfður er á Íslandi
Breytingar á skipulagi fréttadeildar RÚV
Frambjóðendur skila inn listum í Hörpu
Þyngri refsing fyrir að nauðga stjúpdóttur æskuvinar
Nemendur í HÍ reistu tjaldbúðir án leyfis