Katrín Jakobsdóttir forsætisráðherra og Svandís Svavarsdóttir heilbrigðisráðherra mættu ekki á ríkisstjórnarfund sem hófst í morgun vegna veikinda. Í stað Katrínar tók Bjarni Benediktsson, fjármála- og efnahagsráðherra við stjórn fundarins. 

Að sögn Róberts Marshall, upplýsingafulltrúa ríkisstjórnarinnar, er Katrín núna í skimun en hann hefur ekki upplýsingar um hvenær Svandís fer í skimun. Vísir greindi fyrst frá málinu. 

„Það eru mjög litlar líkur á því að hún sé með Covid-19. Hún hefur ekki verið útsett fyrir smiti síðustu daga,“ segir Róbert um Katrínu sem fann fyrir slappleika síðdegis í gær.

Róbert segir að um sé að ræða öryggisráðstöfun í samræmi við tilmæli sóttvarnaryfirvalda um að ef fólk finnur fyrir einkennum skuli það halda sig fjarri öðru fólki og bóka tíma í skimun.

Ef svo reynist að ráðherrarnir séu smitaðir munu þeir fara í einangrun og eftir því sem heilsa og aðstæður leyfa taka þátt í sínum störfum með fjarfundarbúnaði, að sögn Róberts. 

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• 1 blogg um fréttina

Bloggað um fréttina

• Jóhannes Ragnarsson: Þær þora ekki lengur að mæta á ríkisstjórnarfundi eða vera …