Ákveðið var á hluthafafundi Arnarlax AS að breyta heiti félagsins í Icelandic Salmon AS.

Kemur þetta fram í tilkynningu stjórnar félagsins til Notc-hlutabréfamarkaðarins í kauphöllinni í Osló þar sem hlutabréf félagsins eru skráð. Kjartan Ólafsson, formaður stjórnar Arnarlax, gefur þá skýringu í skilaboðum að nafnbreytingin nái aðeins til hins norska eignarhaldsfélags Arnarlax.

Arnarlax vinnur að skráningu á Merkur-hlutabréfamarkaðnum í kauphöllinni í Osló og hyggst bjóða út ný hlutabréf í því sambandi. Aukningin er um 10% núverandi hlutafjár. Verð hlutanna hefur ekki verið ákveðið.

Hlutabréf félagsins standa nú í 130 norskum krónum á Notc-markaðnum og er verðmæti skráðra hlutabréfa þar um 3,5 milljarðar norskra króna. Samsvarar það um 52 milljörðum íslenskra króna, að því er fram kemur í Morgunblaðinu í dag.

Tengdar fréttir

Fiskeldi

Stöðvun gildistöku leyfis Arctic Fish hafnað

• Frumvarpið ekki til þess fallið að auka tekjur ríkissjóðs
• „Þetta er metnaðarfullt frumvarp“
• Beint: Lagareldisfrumvarpið kynnt
• Heldur kynningarfund um eldisfrumvarp

» Fleiri tengdar fréttir