59 innanlandssmit – meirihluti í sóttkví

AFP

Alls greindust 59 með kórónuveiruna innanlands í gær. Af þeim voru 68% í sóttkví en 19 einstaklingar voru utan sóttkvíar eða 32%. Einstaklingum í einangrun fjölgar um 18 á milli daga og eru nú 1.048. 53 eru á sjúkrahúsi með Covid-19, þar af einn á gjörgæslu.

2.283 eru í sóttkví og 1.475 eru í skimunarsóttkví en í þeim hópi eru þeir sem þurfa að fara í sóttkví á milli skimana á landamærunum. 

38 smit voru greind við einkennasýnatöku í gær og 21 við sóttkvíar- og handahófsskimun. Tæplega 2.300 sýni voru tekin innanlands í gær og rúmlega 400 við landamærin.

Við landamærin var greint eitt virkt smit í gær og átta bíða mótefnamælingar. Tölur hvað varðar landamærin hafa breyst töluvert frá því í gær en þá voru 14 smit greind­ á landa­mær­un­um, þrjú þeirra voru virk en mót­efna­mæl­ing­ar var beðið í hinum til­vik­un­um. Nú eru tölurnar fyrir þann dag að 11 smit hafi greinst á landamærunum á sunnudag. 

Níu börn yngri en eins árs eru í ein­angr­un, 30 börn á aldr­in­um 1-5 ára eru í ein­angr­un og 86 börn 6-12 ára. 59 börn á aldr­in­um 13-17 ára eru með Covid-19 í dag þannig að alls eru 184 börn smituð af kór­ónu­veirunni í dag.

Í ald­urs­hópn­um 18-29 ára eru 277 smit, á fer­tugs­aldri eru smit­in nú 153 tals­ins en í ald­urs­hópn­um 40-49 ára eru þau 148. Á sex­tugs­aldri eru 110 með Covid og á sjö­tugs­aldri eru þeir 75 tals­ins. 50 eru með Covid á aldr­in­um 70-79 ára og 19 einstaklingar yfir nírætt eru með veiruna að því er fram kem­ur á covid.is.

Á höfuðborg­ar­svæðinu er 843 í ein­angr­un og 1.820 eru í sótt­kví. Á Suður­nesj­um eru 57 smitaðir en 110 í sótt­kví. Á Suður­landi er 61 smit en 132 í sótt­kví. Á Norður­landi eystra eru 45 smit og 70 í sótt­kví. Á Norðvesturlandi er eitt smit og 14 í sóttkví en á Austurlandi er ekkert smit en þar er einn í sóttkví. Á Vest­fjörðum eru 12 smit og 20 í sótt­kví og á Vest­ur­landi er 21 smit og 71 í sótt­kví. Óstaðsett­ir í hús eru átta smitaðir og 41 í sótt­kví.

Miðað við 100 þúsund íbúa eru 221,2 smit innanlands síðustu tvær vikurnar en 25,1 á landamærunum á sama tímabili. 

mbl.is