Illfært og vont veður

Mynd úr safni af lögreglustöðinni á Akureyri.
Mynd úr safni af lögreglustöðinni á Akureyri. mbl.is/Þorgeir
Mjög hvasst er fyrir norðan og ofankoma. Að sögn varðstjóra í lögreglunni á Akureyri er ekkert skyggni og sumar götur illfærar innanbæjar. Ólafsfjarðarmúli er lokaður og eins Öxnadalsheiði. Vegna þess hversu hvasst er þá eru sumar götur auðar á meðan skafið hefur í skafla annars staðar. Hann segir að best væri ef fólk sleppti óþarfa ferðalögum en gul viðvörun er í gildi til miðnættis.
Lögreglan óskaði eftir aðstoð björgunarsveitarfólks í gærkvöldi til að aðstoða ökumann sem hafði misst bifreið sína út af á Ólafsfjarðarvegi.
Nokkur erill var hjá björgunarsveitum í gærkvöldi og var ökumönnum sem lent höfðu í vandræðum vegna færðar og veður komið til aðstoðar. „Bílar hafa setið fastir, lent utan vegar og einn bíll fór á hliðina. Flest verkefni björgunarsveita hafa verið á Norður- og Vesturlandi, engar tilkynningar borist um slys á fólki.
Það er nokkuð ljóst að færð á fjallvegum og heiðum er víðast hvar með þyngsta móti og því mikilvægt að ökumenn fylgist vel með upplýsingum um færð og veður áður en haldið er í ferðalög milli landshluta,“ segir á facebooksíðu Slysavarnafélagsins Landsbjargar.
mbl.is
Fleira áhugavert
Fleira áhugavert