Sundlaugar í Reykjavík verða lokaðar fram á sunnudag, að því er Steinþór Einarsson, skrifstofu- og rekstrarstjóri íþrótta- og tómstundasviðs Reykjavíkurborgar staðfestir í samtali við mbl.is.
Verður það gert að ósk Veitna, til þess að spara heitt vatn vegna kuldakastsins en þrátt fyrir að almenningur geti ekki farið í sund vegna faraldursins hafa grunnskólanemendur getað mætt í skólasund.
Spurður hvort sundlaugarnar muni ekki leggja sitt af mörkum við að spara heita vatnið segir Steinþór:
„Það er öllu haldið gangandi, þetta eru viðkvæm kerfi sem við getum ekki slökkt á.“
Þó verði dregið úr heitu vatni og því lokað í fjóra daga.
„Við gerum það svo Veitur eigi fyrir húshitunum hjá fólki í þessu kuldakasti.“