Allar byggingar Bláa lónsins voru yfirgefnar eftir að stóri skjálftinn reið þar yfir upp úr klukkan tíu í morgun. Það var gert samkvæmt viðbragðsáætlunum sem virkjaðar voru um leið og ljóst varð hvers kyns var.

Bláa lónið í Svartsengi er mjög skammt frá upptökum skjálftans.

„Við töldum ekkert vit í öðru en að yfirgefa staðinn,“ segir Grímur Sæmundsen, forstjóri Bláa lónsins, í samtali við blaðamann mbl.is.

Honum virtist við fyrstu sýn sem allt hefði sloppið í mannvirkjum fyrirtækisins. Skjálftinn hefði þó verið mjög öflugur.

Starfsmenn lónsins munu fara seinna í dag eða í fyrramálið til að kanna aðstæður þar. 

Tengdar fréttir

Eldvirkni á Reykjanesskaga

Nærri tíu milljónir rúmmetra af kviku

• Gylfi Þór ráðinn í samhæfingu vegna Grindavíkur
• Hvorki sést áður hér á landi né annars staðar
• Gígbarmurinn hækkað frá því í gær
• Helmingur umsókna samþykktur fyrir vikulok

» Fleiri tengdar fréttir

• Blogga um frétt