Embætti héraðssaksóknara hefur ákært konu fyrir sérstaklega hættulega líkamsárás á skemmtistaðnum B5 með því að hafa um verslunarmannahelgina 2019 kastað vínflösku í andlit karlmanns sem einnig var á skemmtistaðnum. Hlaut maðurinn x-laga skurð á enni vegna árásarinnar.
Málið var þingfest í síðustu viku í Héraðsdómi Reykjavíkur, en auk þess sem saksóknari fer fram á refsingu fer maðurinn fram á að konan greiði honum 900 þúsund krónur í bætur vegna árásarinnar.