Fleiri skjálftar en allt síðasta ár
Fram kemur að ekki er búið að fara yfir staðsetningar allra skjálftanna.
Kort/Veðurstofa Íslands
Setja bókamerki
Í dag fór heildarfjöldi skjálfta yfir 34.000 í þeirri hrinu sem hófst á Reykjanesskaga fyrir um tveimur vikum. Þetta eru fleiri skjálftar en mældust á svæðinu allt árið 2020 sem þó einkenndist af óvenju mikilli skjálftavirkni.
Þetta kemur fram á Facebook-síðu Veðurstofu Íslands.
Til samanburðar mældust um 3.400 skjálftar árið 2019 á Reykjanesskaganum og ef horft er aftur til áranna 2009-2014 er fjöldi skjálfta á bilinu 1.000-3.000 á ári.
Gossvæði fjarri byggð
Ný hraunflæðispá vísindamanna við Háskóla Íslands gerir ráð fyrir því að það gjósi einhvers staðar á gulmerktu svæði á myndinni hér að neðan, ef gýs.
Kort/Eldfjallafræði- og náttúruvárhópur Háskóla Íslands
Greiningin gerir ekki ráð fyrir fastri staðsetningu. Hraun mun mögulega ná að Suðurstrandarvegi en gossvæði eru fjarri byggð.
Ný hraunflæðisgreining, komi til eldgoss.
Kort/Eldfjallafræði- og náttúruvárhópur Háskóla Íslands
„Hví erum við dýrasta land í heimi?“
Björninn sagður nálægt byggð
Grænlendingar vildu ekki fá björninn til baka
Glæpastarfsemi orðin mun skipulagðari
Eina leiðin var að fella björninn
Of margir nemendur og ákall um hæft starfsfólk