Ráðleggja að eitra fyrir köttum með frostlegi

Borið hefur á því að einstaklingar mæli með að eitra fyrir köttum með því að blanda matvælum saman við frostlög, til þess að losna við ketti í nærumhverfinu.

Voru ummæli á þessum nótum látin falla í athugasemdakerfi við frétt Fréttablaðsins, sem fjallaði um hugsanlegt bann við lausagöngu katta.

„Fiskur og frostlögur leysir svona vandamál,“ var skrifað við fréttina. Annar lesandi ritar: „Það hefur reynst vel í Hveragerði að marinera kjúkling upp úr frostlegi...“

Frétt af mbl.is

Af og til grunur um gæludýraeitrun

Ummælin hafa verið tilkynnt til Matvælastofnunar (MAST) og segir Halldóra Björk Ragnarsdóttir, formaður Kattavinafélags Íslands, að erfitt sé að sanna hverjir beri ábyrgð á því að kettir drepist eftir að hafa innbyrt frostlög. Margir kettir drápust í Hveragerði haustið 2019.

„Það hefur hingað til ekki verið hægt að standa neinn að verki né hafa uppi á einhverjum sem gerir svona lagað,“ segir Halldóra. Hún bendir á tilkynningaskyldu vegna gruns um meðferð á dýrum sem fer gegn lögum um velferð dýra.

Frétt af mbl.is

„Sá sem gerir svona er fársjúkur“