Vinnu við hækkun á varnargörðunum tveimur fyrir ofan Nátthaga miðar vel að sögn Ólafs Rafnssonar, byggingarverkfræðings hjá Verkís, sem hefur haft yfirumsjón með vinnusvæðinu í dag.

Blaðamaður mbl.is ræddi við hann á staðnum í dag.

Aðeins er farið að reyna á neyðarruðning sem útbúinn var rétt framan við varnargarðana sjálfa, en storknað hraun er tekið að hrynja yfir hann. Ólafur virðist þó rólegur yfir því.

Unnið var við varnargarðinn í dag. mbl.is/Unnur Freyja

„Við erum að moka þennan vestari varnargarð upp í átta metra og breikka hann. Við neyðarruðninginn er hraunið komið svolítið þétt að. Þetta heldur því hrauni sem er komið núna,“ segir Ólafur. 

Stefnt er að því að ljúka hækkuninni á næstu tíu dögum og binda menn vonir við að átta metra háir varnargarðar dugi til að stöðva hraunflæðið.

Stefnt er að því að ná varnargarðinum upp í átta metra hæð. mbl.is/Unnur Freyja

Tengdar fréttir

Eldvirkni á Reykjanesskaga

Nærri tíu milljónir rúmmetra af kviku

• Gylfi Þór ráðinn í samhæfingu vegna Grindavíkur
• Hvorki sést áður hér á landi né annars staðar
• Gígbarmurinn hækkað frá því í gær
• Helmingur umsókna samþykktur fyrir vikulok

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Dýrmæt reynsla núna til að fást við hraunstrauma síðar meir.